小司儀＠畢業典禮

14 July 16 期待已久既畢業典禮終於到了。雖然Claire 唔係今年畢業，不過，人仔細細既佢，有份參與畢業典禮既小司儀呀。爸媽都替佢高興。為左呢個典禮既小司儀角色，媽媽特別容她留長髮。呢日朝早，仲幫佢化好粧返大會堂集合TIM。

Claire: 我好緊張呀～～～

見到負責老師，終於可以拎到小司儀既服飾⋯⋯HM⋯⋯好在，無預先比家長著返去姐。

Claire:我係咪好叻呀？我可以做到小司儀喎⋯⋯

兩父女一拍埋影相⋯⋯點解好似餅印咁既呢⋯⋯對眼。哈哈哈，面形都係似媽媽多。

Claire: 爸爸，我入去啦。一陣見。

登登登凳⋯⋯小司儀出來了（按此）。雖說一人一句，但勇氣可嘉。

Claire: 我都係望地下講⋯⋯無咁驚⋯⋯我乜都睇唔到，睇唔到。唔驚，唔驚⋯⋯

好投入喎⋯⋯因為為成班人一齊上去吖嘛，有人傍住，個膽子大好多。

Claire: 心柔，你唔好騷擾我講野啦。

講完一輪野，開始頒發學業奬。Claire 上學期都有幸獲奬。不過⋯⋯點解個粧溶得咁快既呢可⋯⋯一拍埋隔離同學仔度，Claire 好似素顏咁。

Claire: 咁你快D買過另外既化粧品比我啦。

濟濟一堂，上下學期既學習優異奬同學們。大部分都係有姐姐哥哥既，唔知係咪咁，比較易得奬呢？

每隔一輪，都會有一對小司儀出黎SOLO一下。睇下Claire 呢對講乜⋯⋯（按此）

 成場畢業典禮，小司儀角色咁就完結。Claire 好明顯係好怯⋯⋯聽佢把聲無哂抑揚頓挫就知。希望呢個只係小試點，讓佢日後係公眾場合講野壯膽吧。

異業典禮完結，例牌全部K2, K3 都一齊上台唱歌。好在Claire 無比人遮住，仲可以影多幾張相仔姐。

Claire: 係囉⋯⋯我都見到你地啦⋯⋯

Claire: 你睇下，我對眼甩哂粧啦⋯⋯

完左典禮，婆婆急急腳走左。Claire 一出黎，就問工人同婆婆去左邊⋯⋯Claire好著緊好想每一個人都到場支持佢呀。婆婆話下次再同Claire 影相喎。唔緊要，今次媽媽同呢位美女合照留念都一樣姐。

Claire: 咁又係⋯⋯

咁岩係隔離有個同學仔，咁就順便一齊影埋合照啦，日後都唔知有無咁既機會呀。

酷朗： 睇下午我幾高⋯⋯
Claire： 乜姐，人地女仔，梗係無你咁高啦⋯⋯