貝澳掘硯

24 July 16 炎炎夏日，有人話又想去掘硯。不過，今次係約左媽媽舊同學一齊去。地點唔係長沙了，而係貝澳。有個人仔，唔知係咪熱到傻左，去到貝澳，好似玩水多過掘硯囉。

Claire: 嘩⋯⋯好舒服呀⋯⋯

Claire: 嘻嘻，我好似係度游緊水咁。

Claire: 好舒服呀⋯⋯媽咪，你都一齊玩水吖。

玩完一輪水，應該進入掘硯狀態。點解Claire 拎支大過佢既鏟架。究竟得唔得架？

Claire: 你話我唔得？！！你睇住吖⋯⋯好易咋嘛。

咦⋯⋯呢個係掘泥姿勢定掘硯呢？

Claire: 哎呀，跣低左TIM。

Claire: 都係用手摸硯算啦。

至於爸爸，就好努力咁試下用腳摸硯。

至於Isaac，除左同BERELEY姐姐玩之外，就係自己玩泥。兩兄妹，旨在玩水玩沙多過真係掘硯囉。

Isaac: 乜姐，我都無話掘。我黎玩沙咋嘛。

所以，呢桶硯，主要係爸爸努力得回的成果。可惜，我地夜返，翌日，已經臭氣沖天了。下次夜一夜返，都要即刻處理左佢先得。好明顯，貝澳既成果，都無上次係長沙摸硯咁大隻喔。