樹屋田莊玩樂一天

15 July 16 呢日自組去樹屋，點知媽媽忘了Claire 要考試。考完飛的過去樹屋，好在，哥哥佢地先岩岩開始BRIEFING。排排企，聽清楚，真係上堂都無咁專心呀。

原來Claire 有同㪫㪫一齊坐木笩架。仲要係由Claire 坐頭控制。

等待期間，居然見到香港既蠑螺。原來係咁既樣架喎。唔係工作人員介紹，我地都唔知乜黎。

嘩嘩嘩，原來影相真係好有用架⋯⋯至少，媽媽完全忘記了，當日自己係有坐過木笩架喎。

坐完木笩，走去玩樹屋。呢兩兄妹，好耐無咁相親相愛地合照了。睇落，又幾似樣喎。

哥哥一支箾咁飛左上去樹屋了。伸個頭出黎，身高關係，只剩一個大頭。

而Claire 唯有係欄棚位之間望媽媽。有相為証，真正上過樹屋架。

天氣好熱，食完飯，真係要食返支冰凍冰條解暑至得。

不過食還食，可唔可以唔好踎係池邊咁危險呢⋯⋯無衫換架喎⋯⋯阿哥。Casey 唔覺意推你一把⋯⋯咁就⋯⋯

最後，連Claire 都踎埋一份，無眼睇。不過，佢地係餵緊錦鋰。邊餵邊踎係度觀察。

玩完一輪錦鋰，輪到玩自己塊面。

Claire: 嘻，你咁渣架。我自己畫架，唔駛媽咪幫。

哥哥的自繪。

Claire: 我畫得靚唔靚呀？ 

㪫㪫： 嘩⋯⋯你塊面咁既⋯⋯
Claire: 唓，你夠係囉。

 玩哂三項活動，Claire 就玩樹屋後既公園仔。

當中有個小插曲，就係哥哥居然縰容 Casey 同進進埋身踢Claire。嬲到媽媽死咁滯。個兩位已經小學了。仲不分是非，真的一腳踢埋Claire 到。若不是媽媽即時喝止，莫非會演變成童黨事件？幸好媽媽在場姐⋯⋯

Claire: 呢度安全呀⋯⋯佢地揾唔到我地。
㪫㪫： 點解你咁坐千秋既？

最後，曲終人散。搭車回家係最辛苦，因為大家都好攰了。唯有CALL車⋯⋯但位置實在有點難準確報導。所以，我地好白痴咁企左係路邊都近半小時⋯⋯至等到架UBER黎⋯⋯早知唔CALL UBER，否則，呢個時間，我地其實可能已經接近回到家裡了。