暑期溜冰班。第二堂

21 July 16 又到溜冰日子。媽媽又係晨咁早趕左呢兩兄妹出去ELEMENTS，因為兩個鐘免費任溜⋯⋯無謂嘥嘛，比佢地溜熟下。因為之前個堂有同學仔一齊學，所以，呢日一去到，兩兄妹就周圍溜，揾下同學仔蹤跡。

終於都見到同學仔了。咦⋯⋯明明呢位雪盈同學係Isaac 同學黎，但點解佢拖住Claire 走既呢？

Isaac: 喂，你地去邊呀？等埋我呀！ 

Claire: 雪盈，我地溜快D，等哥哥追唔到我地。

 快樂時光總係過得好快。話咁快，又到上堂時間。呢堂好少少，Claire 雖然都係有張凳⋯⋯不過，可以追住導師。叫做無咁悶囉（按此）。

Claire: 點解我仲係追唔到阿SIR架⋯⋯

 至於Isaac, 就無咁HAPPY。佢地個班係圍圈拖手單腳企（按此）⋯⋯好在個個都咁上下大，萬一有一個失平衡，真係拉跌哂成班同學架喎。

做完呢個動作之後，好快就變左推凳仔單腳溜前（點此）。

Isaac: 好易咋嘛。

 話易唔易，不過Isaac 個年紀個班，個個都好快跟到。之後，大家都唔用凳了。（點此）成班都平衡得好好，果然後生可畏。

至於Claire 個班，進度就無咁快。佢地仲係慢步做緊Z字溜後咋（點此）。之後，可能年紀比較幼小，Z得唔係好理想，導師好有心機諗到畫雪糕既方法（仲要係畫得幾靚架喎），去教呢班小朋友學Z字步法（點此）。

上完堂，兩兄妹又係唔肯再溜耐多少少，好快就走了。下午返到屋企無野好做，兩兄妹比媽媽踢左落去跳繩。嘩⋯⋯Claire 好似跳得好高下喎，會唔會係錯覺呢？