夜遊迪迪

5 July 16 呢日見Claire 無野學，Isaac 又考完試，索性下午搞掂哂野食哂LUNCH，就三催四請呢兩位小姐少爺出去迪迪尼。真係估唔到去迪迪尼都要催黎催去。搞一輪又轉車，去到迪迪尼都黃昏了。

今次去迪迪，主要係帶佢地兩位去睇煙花，所以，我地先咁晏出發。每次去呢D要排隊既地方，零食糖果少不免⋯⋯因為，排隊有D世藝，時間過得快一點。

Isaac: 等我慢慢啜。
Claire: 我個粒戒指糖仲大粒呀。

Claire: 唔信？你睇下⋯⋯

 大個仔了，Isaac 最近都肯自己一個人坐機動遊戲。所以，而家媽媽一拖二去迪迪，都好舒服下。

終於終於，都捱到夜晚巡遊時間。一早坐低罷定位⋯⋯邊食住我地既包包晚餐⋯⋯

Claire:咦⋯⋯媽媽做乜影我地呀？哥哥，媽咪影緊我地呀⋯⋯

Isaac: 咦⋯⋯我整你個招牌笑容你影吖⋯⋯
Claire: 我咦⋯⋯

歡樂時光過得好快，呢D開開心心坐路邊流住汗等巡遊的日子咁就過去了。兩個雖然麻麻地玩機動遊戲，但佢地卻係好鐘意睇巡遊⋯⋯年票就過期，日後唔知要等迪迪幾時做推廣，我地先會再去了。