東華嘉年華 2016

19 Mar 16 呢年聖誔新年檔期，係啟德個邊，東華搞左個嘉年華。不過好明顯應該經濟唔好，居然無人幫襯。搞到東華要係學校散飛益同學仔。咁岩Claire 同學唔去，比埋張飛我地，所以，我地兩兄妹可以齊齊去癲去玩。一入場，就有條好大好長好高既超級滑梯等住佢地去玩。睇佢地尖叫到幾咁HIGH （按此），就知有幾咁興奮啦。

爸爸： 嘩⋯⋯好快呀⋯⋯
Claire: 好好玩呀⋯⋯

 不過呢條滑梯實在太高，每次玩完，都要拓兩塊幾重下既布上山頂，再跣落黎。少D力都唔掂。

因為我地加左錢玩任玩套票。所以，玩左幾轉滑梯後，我地就玩下小朋友玩意 －－轉轉杯。

轉轉千秋。

但點解Isaac 對腳係掂住地既呢⋯⋯

Claire: 嘩⋯⋯好玩呀⋯⋯

Isaac: 嘩⋯⋯好涼呀⋯⋯

Claire: 吖⋯⋯好刺激呀⋯⋯

Claire: 媽咪，睇下⋯⋯我唔駛扶架⋯⋯

 呢度都有過山車玩架。三父子女齊齊上去同媽媽揮手。

Isaac: BYE BYE~~~

估唔到小小年紀既Claire，真係一點都唔驚呢種玩意。

玩完過山車，比 Isaac 見到同水有關既坐艇仔。雖然超級慢，不過，Isaac 醉翁之意不在此，唔知點解，由細到大，佢都係鐘意望水。呢下真係比佢望到夠。

Claire 又坐埋一份，唔執輸。

呢個時候，爸爸都唔弱呀，走去玩跳樓機，同埋洗衣機。呢個場多人到呢⋯⋯係可以一個人坐住架跳樓機去玩架囉⋯⋯可想而知，有幾咁旺場至得。

之後，我地見到有兩層既轉轉木馬，好靚呀⋯⋯其實媽媽都好想玩，不過媽媽無買飛，所以無玩到。

Isaac： 你而家去買飛囉。

 呢座轉轉木馬，外形真係好童話FEEL呀。

而係轉轉木馬隔離，有座塔，不過睇真D，原來可以溜滑梯架。正呀⋯⋯

Isaac: 嘩⋯⋯好快呀⋯⋯

 Claire 快到呢⋯⋯因為細粒，又快喎⋯⋯快到睇佢唔到咁滯。淨返個頭，哈哈。

玩到無野好玩，兩兄妹走左去排跳彈床。好在呢節無乜人跳，因為事後，我地見到救傷車黎左⋯⋯原來彈床上發生左意外，要CALL白車黎。真係一額汗。

牛高馬大既Isaac, 其實佢每次山跳山，媽媽遠看都好驚⋯⋯驚佢壓親其它小朋友呀。

Claire: YEAH～～好似我咁斯文，就唔驚囉。

Claire: 嘻嘻，我慢慢爬上黎咋嘛⋯⋯ 

Isaac: 嘻嘻⋯⋯我好安全吖⋯⋯

玩到尾，淨返兩兄妹，笑爆。係人都怕左佢地。

Isaac： yeah～～我跳，我跳，我跳跳跳。 

Isaac: 唏⋯⋯等我變身⋯⋯ 

Isaac： 變身⋯⋯
Claire: 正經D啦，哥哥。

玩完彈床，我地改去玩碰碰車。Claire 因為高度問題，一定要同爸爸坐。

至於Isaac，就比佢恨到了⋯⋯可以獨霸成架車去渣。

睇佢幾咁ENJOY～～

爸爸： 我地快D去撞哥哥⋯⋯
Isaac: 我係你隔離呀⋯⋯
 

爸爸： 無理由撞唔到哥哥既⋯⋯
Claire: 好緊張呀⋯⋯
 

Isaac: 我避開左啦⋯⋯ 

Claire: 爸爸呀⋯⋯唔好再撞哥哥啦⋯⋯我好驚佢有事呀⋯⋯

差點遺忘，原來係入口處，有個不顯眼的GOLF場。因為唔顯眼，所以無乜人排。我地都係去洗手間時，無意中見到的。

無乜難度，好快就玩完幾個洞，行返出黎。

之後，就同Claire 同學仔玩⋯⋯因為偶遇⋯⋯世界真細少少少。

一臉正經旳Claire 和鬼馬的㪫㪫。

記得K1時，Claire 仲話㪫㪫係BB，因為㪫㪫矮過Claire （當時Claire 觀念係矮過咁迷你版既自己，你仲唔係BB係乜？）但一年後呢日，Claire 好明顯已經矮過㪫㪫了。

兩小無猜，齊齊坐木艇。

點解呢兩個小朋友咁一致既⋯⋯個笑容。

 本黎媽媽都無得玩既⋯⋯但爸爸同哥哥去左玩其它，淨返Claire 同㪫㪫，Claire 又要跟㪫㪫一齊坐小飛象⋯⋯卒之，借左㪫媽幾十蚊玩一鋪。真係貴了⋯⋯單買一鋪的話。不過難得Claire 笑到咁開心，玩到咁衵盡興，咁就算啦。希望下年東華再搞呢D嘉年華，一樣可以益下同學仔，咁就好了。