同學仔生日會

2 Apr 16 呢日同學仔開生日會，黎之前，媽媽都掙扎左一輪，究竟去唔去好呢～～遇著Claire 又生日，但我地無開生日會喎，一陣去到見到人地切旦糕自己無得搞生日會，以佢性格，唔知會唔會嘈爆。問過爸爸意見，爸爸覺得可以照去，不過，事前講明我地已經食左生日BUFFET，所以，呢年我地唔會搞生日會，但去朋友仔生日會食旦糕，都係旦糕姐⋯⋯吖，呢招幾WORK喎，Claire 仲玩得好開心TIM。

Claire: 我入去喇，唔等你LU～～

呢個會所玩到熟哂，爬梯執波都係例牌事。

Claire: 有邊個無波呢？

Claire: 我有好多波呀，比個你吖。

走呀走呀，不停圍住呢個細到不得了的PLAYROOM跑，都係Claire 每次黎既體驗。

走到去邊呢？

哦⋯⋯原來同幾個男同學互相追逐。

Claire: 哎呀⋯⋯我掟比邊個同學好呢？？！！

生日會佈置好多氫氣球，Claire 居然睇中呢個超大ANNA。

生日會最開心就係成班相熟同學仔圍埋一齊開餐。

餐後節目就係玩。

Claire 愛上呢張吊椅，不過，都有同學仔爭住上黎坐呢。

雖然Claire 同哥哥打起交黎真係幾狼死；不過，睇佢呢副樣，同返女仔一齊玩時，又好斯文喎。其實媽媽深相Claire 都係好斯文既⋯⋯至少睇佢食相都知啦。不過要反抗哥哥既蝦蝦霸霸，唯有同哥哥鬥惡。

睇下，斯文到被迫左後面⋯⋯

雖則Claire 好細粒，好在佢體能都唔弱。睇佢跳起上黎，都幾高吖。

不過都唔及身後既Isaac 哥哥咁高。

Claire: 但我高過喬喬喎⋯⋯

玩左咁耐，終於等到切旦糕呢一刻了。成班同學仔圍住噴口水，其實媽媽都幾驚呢一刻的。都唔知食唔食個旦糕好⋯⋯

食完旦糕，齊齊出去戶外既公園繼續玩。

想當年K1, 童童依然唔敢爬呢個網；Claire 一個箭步爬上去。童童媽見到，就暗地裡訓練童童，五歲生日既童童，好開心咁示範比我地睇TIM。咁咪好，以後可以有哂童真咁爬上爬落。

Claire: 喂，你阻住我呀⋯⋯

雖然Claire 好大膽，但當媽媽的佢坐上呢個呔盤時，Claire 面容呢～～

聽到媽媽話過黎抱佢落地，Claire 先有少少笑容咋⋯⋯幾咁勉強。

Isaac: 媽咪，阿妹爬到呢塊板呀！

咁繁忙既生日會，兩兄妹終於可以黎張合照⋯⋯雖然係偷拍。

平時Claire 都好愛顯露佢照顧人既本色，成個大姐姐咁。

Claire: 上黎啦⋯⋯快D呀。

Claire: 你地有無人上到黎呀？

Claire: YEAH～～有俊曦陪我。

最後，就剩返俊曦同Claire 係咁玩呢個設施。放夠電，成個人散哂咁拎住個ANNA 氫氣球返屋企。真期待下次生日會，再玩個夠呀。