15 Feb 16 係晨靜樹木園玩到夜一夜，搭火車去龍山站再落返明洞已經好夜。仔仔話又想ENCORE 神仙雪濃湯，爸爸話唔想三日食三次。所以，由媽媽發板，食明洞出名既明洞餃子。門面以為無人。原來要上二樓。我地當然叫招牌餃子啦。大大粒。媽媽好愛吃上海雲吞，所以，被呢籠餃子深深感動。好有上海FEEL⋯⋯皮薄饀鮮甜又多菜。十足婆婆包個D呀。另外，仲叫左個唔知乜野面，因為已經打烊，所以我地無得再叫⋯⋯陰公。下次再黎首爾，呢間一定會再黎過呀。
瞓埋呢晚就返香港，所以，幾夜都好，都要逛一陣街，試下明洞好多檔都賣既雞旦糕。感覺似鋪左層芝士多D囉。
最後一晚，豁出去罷，喉嚨痛就喉嚨痛，叫爸爸落街外賣左TWO TWO炸雞返酒店。盒子細細，以為得幾隻。
嘩，真係塞滿架。半隻雞黎架，個皮真係好脆。不過係咪再食呢⋯⋯可能媽媽本身唔係咁好呢味掛。
登登登凳，呢次首爾目的係掃衫⋯⋯果然掃左⋯⋯唔係好多。不過，平時去旅行都唔SHOPPING既媽媽黎講，呢度真係好多了。嚇親爸爸呀⋯⋯仲要未計護膚品喎⋯⋯嘩哈哈。下次，爸爸媽媽自己去，唔知會唔會掃得更瘋狂呢？！
沒有留言:
張貼留言