南生圍旅行

27 Mar 16 呢日明明係爸爸媽媽結婚周年紀念日，但唔知點解，我地居然報名去參加教會自組旅行團。目的地係南生圍。本黎諗住開開心心輕輕鬆鬆去既⋯⋯點知旅遊巴司機話架車入唔到去單程路，要我地成車人落車自己行入去喎⋯⋯嘩，話哂係叫冬天姐，但真係會熱架喎。卒之，成班靚仔加父母，應該由街頭行入去，行足一個小時⋯⋯暈～～

話說之前個日我地先捱住熱去行山。估唔到呢日，我地仲未吸收到經驗，依然厚衫上場⋯⋯熱到呢⋯⋯

Claire: 嘻嘻，好好玩呀⋯⋯我唔覺得熱呀⋯⋯

唔通Claire 想做賣火柴的女孩？

Claire: 媽咪發現左我地玩沙呀⋯⋯
Isaac: 係喎⋯⋯

Isaac： 唔好理啦，玩左先啦⋯⋯

於是乎，呢班小朋友，就係咁執樹枝掃掃掃。咁都玩到一餐。

Claire: 我唏⋯⋯
樂樂： 嘩，你咁大力FING既？

Claire: 係呀，我扮打交吖嘛⋯⋯

自由活動左一輪之後，到親子遊戲，其中一項就係親子摺飛機。呢個當然由爸爸出場幫手啦。

Isaac: 我摺既飛機，實遠過阿妹個架啦。
Claire: 攪錯呀⋯⋯爸爸幫我摺個架，飛得咁近既⋯⋯

Isaac: 睇住黎啦⋯⋯我都話我個架實遠過你。

好在每個小朋友有幾ROUND，後黎，經爸爸引導下，Claire 都可以飛到好遠了。

Claire: 我今次一定要掟到好遠既⋯⋯

繼紙飛機後，另一個親子遊戲就係彩虹傘。相信呢一代既小朋友，一點都唔陌生。仲好熟悉個玩法TIM。

反而爸爸媽媽好似唔係好識要拎住邊隻角。

嘩，彩虹傘最開心，就係捕捉到傘底下既天真小朋友既笑臉囉。可惜要每個家長參加，否則，媽媽都好想捕捉埋一份呀。

爸爸： 唉⋯⋯好悶⋯⋯玩埋D咁既遊戲。

Isaac：媽咪，點解爸爸話悶既？

就係咁，玩下掃沙、玩下追逐，就一個下午了。臨走，Claire 仲同小志誠玩木頭。果然佢兩個年紀相近，玩都玩得投入D呀。

呢趟旅行真係難忘，去既時候辛苦，走既時候一樣辛苦。回程明明好有希望咁等旅遊巴⋯⋯點知，等呀等⋯⋯等到原來又話要行返出去路口。天喔⋯⋯要命喔。仲要呢日係我地結婚周年，真係點解揾D咁既野黎搞呢。