可愛的妹妹

7 Mar 16 通常Claire 放學後唔趕時間，媽媽都會比佢係學校隔離個公園仔，同兩三個同學仔玩一陣。不過，玩既時間，Claire 有時會興起帶頭執野。呢日就執到成手枯葉。臨走叫佢掉又唔捨得，媽媽唯有叫佢不如同棵枯葉影相留念。咁返屋企都可以睇返吖嘛。Claire 又真係好認真咁影喎⋯⋯佢就有呢個可愛之處。好似佢講大話咁，媽媽話講大話要遮住塊面先好講，因為佢唔遮面，佢塊面會寫住"我講緊大話"。自此之後，Claire 一講大話，就會用手遮面。真係好可愛呀。哈哈哈。

Claire 氹得我地真係好開心，真係好多謝佢黎呢個世界，做我地既囡囡。好似呢晚咁，佢忽然興起，就做手工仔，扮公公。唔單止有道具，仲連把聲都變埋，婆婆聽到，仲問係咪阿妹病到把聲都變埋TIM。（點此）

9 Mar 16 Claire 唔𠴱止可愛，仲越來越貪靚。真係唔好睇既衫都唔肯著。有時，仲要臨出街換兩次衫⋯⋯點解？因為佢本人覺得唔襯囉。真係唔知再大D，要預幾耐先出到門口了。

Claire: 咁人地女仔黎架嘛，梗係貪靚架啦。