準生日自助餐

31 Mar 16 為迎接兩兄妹牛一，爸媽又無打算開生日會，經大家商量同意下，就一齊去GATEWAY食BUFFET。甫去到，嘩，小朋友餐具好靚呀～～

Claire: 梗係啦～～襯返我套粉紅色外套吖嘛。

 食自助餐，梗唔少得龍蝦。媽媽一去到，忙於拆呢三隻芝士焗龍蝦比兩兄妹食。

至於哥哥，就忙於幫自己拆長腳蟹黎食。食到唔停口。

Claire: 呢餐最好味，就係呢杯雪糕杯。

 賀牛一自助餐，點少得兩個準壽星兄妹合照呢！

GATEWAY BUFFET有樣好，就係坐位間隔好闊落。又有即烘窩夫杯比人裝雪糕食。除左雪糕，居然有唧唧冰。兩兄妹一人一半，剛剛好。

Isaac: 你睇我對眼幾大～～
Claire: 唔～～好味呀⋯⋯唔好影啦，我要食囉。

 是夜，食BUFFET食到好夜，但有個小妹妹因為生日，太過HYPER，落車仲好精神。仲走左去影相TIM。睇下呢個準壽星妹，自己襯衫襯得幾咁靚。不敢想像長大後，佢會用幾耐時間打扮先出門囉。

Claire: 咁，我靚唔靚吖？