21 Mar 16 Isaac 下學期後，好開心咁同媽咪講，班主任比佢地帶零用錢買零食了。於是就好雀躍咁要試。呢日，佢話用左1.5元，買左呢盒餅仔。不過，佢無開到黎食，而係原封不動咁成盒帶返屋企⋯⋯話同媽咪一齊分享喎。嘩，真係心都甜埋。估唔到升小學後，成日唔拖媽媽手，但佢心裡仲好掂念媽咪喎。抵錫。
22 Mar 16 呢排經濟唔好，御前上茶造軟雪糕買一送一優惠。媽媽其實好想去食下，不過日間湊住佢地，真係抽唔到時間去排。爸爸聽到，放工就走去排隊⋯⋯仲即CALL我地去食。嘩，真係比爸爸排到。我地三母子女梗係飛去食啦。一人一支，真係好味。
 |
| Claire: 影完未呀？我流緊口水啦。 |
24 Mar 16 呢日屈左爸爸放假陪太子女去迪迪尼。咁岩落雨，岩哂，趁迪迪尼個玩水設施未拆，Claire 可以名正言順著住雨衣去玩水。
 |
| Claire: 但我好驚D水噴到我呀⋯⋯ |
沒有留言:
張貼留言