我五歲了

1 Apr 16 小小人仔呢日生日，媽媽帶佢去左迪迪尼。估唔到生日去迪迪尼，居然破例，會著裙去。之前都未試過著裙仔去迪士尼既。

Claire: 梗係啦，我今日黎數復活蛋咋嘛。
Isaac: 咪係囉，搞到我都無得玩。

五歲既Claire，點解笑起上黎，好似K1 影學生相咁，矇起對眼既呢。

話明正日，所以夜晚去左食飯。呢個人仔，去完迪迪著左條靚裙，返到屋企沖完涼，就換條SOFINA裙。仲話要帶埋皇冠、權杖，見生日一年一次，媽媽就比佢浮誇D啦。

Claire: 多謝哂你呀⋯⋯我真係好鐘意媽咪架～～

正正經經影一張壽星公主相⋯⋯點知有個人仔係出面偷望做背景。

日頭去迪迪尼，之後扮公主出街食飯，返到屋企，仲有佢指定要食既白兔蛋糕等緊佢⋯⋯呢個生日，認真係一次過滿足三個願望呀～～

Claire: 哎呀，點解吹幾次都唔熄架～～

Claire： 等我坐高D黎吹先～～一定好好味架啦⋯⋯

生日快樂！祝每日都開開心心！