故事比賽初賽

20 Mar 16 入左故事組近一年，呢日終於等到故事比賽了。嘩，去到現場，好緊張呀，因為事前老師發現Claire 係唔敢係人前講故仔，只會單對單對住老師講。所以，臨尾個星期，媽媽都要Claire 係公園試下講故事，等佢習慣多人。

未入場，先影相⋯⋯好似好淡定咁。

入到去比賽區，有分號碼坐。好在媽媽坐正係中間，對正參賽者，所以，Claire 全場係好淡定咁望住媽媽講就得。（按此觀看片段）。

完左初賽，巡例拎張証書。後黎先知，原來呢次初賽入唔到圍，就只有呢張參賽証書了。好在，Claire 入到決賽咋。

初賽完左，媽媽就帶Claire 入元朗去JOIN爸爸玩呢個釣蝦⋯⋯其實係爸爸鐘意多D囉，兩兄妹真係去陪坐。

比賽完就返風，好在爸爸仲未出發，即刻叫佢帶件褸比Claire ⋯⋯造就左呢個咁怪既LOOK。又裙又SPORTY FEEL咁。

Claire: 嘻嘻，我幾叻，釣到隻蝦呀。

 釣左成兩個鐘，收穫先得咁多。真係旨在釣而已。好在呢個小妹妹都好開心下。否則呢個活動都幾唔化算囉。