又引人笑

10 Mar 16 距離初次故事比賽只有個零星期，媽媽真係替Claire 緊張，因為仲有地方要改善。但相對之前既練習，而家真係大進步左好多呀。（點此觀看）最重要係，媽媽終於揾到變聲既底線，幫Claire 變把高音聲⋯⋯因為貪靚妹話變公公聲好醜怪喎。唉～～頂佢唔順。

11 Mar 16 呢日放學，見到本習作咁多字要填架⋯⋯不過，Claire 好有心機，叫媽媽教佢寫⋯⋯長大了既Claire，開始有個習慣，就係放學會主動同媽媽講，要媽媽一陣教佢寫字。因為學校教個D好難，佢唔明喎⋯⋯當然，媽媽無難事，媽媽總是有方法教到呢兩兄妹畫好中文字。雖然Claire 寫字方面係弱小小，不過媽媽好欣賞佢呢種主動認真學習既態度。希望升小後，佢可以繼續咁落力就好了。字寫好了，靚唔靚？點此咪知。

夜晚，有個人又忽發奇想⋯⋯整左個喇叭出黎。仲不停咁吹，笑死媽媽。可惜的是，當有人發現媽媽錄緊個時，佢就會變得好認真。唯一可以笑下既片，就只有此。

14 Mar 16 呢晚瞓覺，突擊睇下Claire 瞓著未啦⋯⋯咦，點解咁大聲鼻寒聲架（點此)？哦，原來有人係度玩⋯⋯仲要笑騎騎，真係唔知好嬲定好笑。