坪洲親子遊。旗森冰室

21 Feb 16  雖然我地岩岩係首爾旅行返黎無耐，不過，呢日周日，我地照去旅行。不過就係本地遊。地點係坪洲。

媽媽見我地未去過坪洲，見仁愛堂有搞，一於報名去玩下。點知，原來好細架咋⋯⋯得個行字。先係坪洲落船，跟住行上山。感覺有少少似南丫島咁。

明明呢日好凍⋯⋯但我地都行到要除衫。

坪洲好細下。上到塔頂都唔係望到好遠咁。

行得咁辛苦，落左山，就有個小朋友天地等住大家。心情即刻開心哂。

Isaac: 唔係呀，我好驚呀⋯⋯快D黎扶我啦。 

因為實在太太太大風，仁愛堂負責人都忍唔住催促各位去酒樓開飯⋯⋯我地認真玩，只係廿分鐘左右。不過真係堅大風，幾凍下囉。

講到酒樓，就唔敢諗。我地一行四人，同仁愛堂去旅行，預左搭唔識既一圍。不過，酒樓又UP DUMP又舊。仁愛堂話，呢間酒樓係島上唯一一家做團客架喎，好好食架喎⋯⋯不過係自家打理，所以人手不足⋯⋯卒之我地等上菜，等左好耐，距離三點幾上船走既時間⋯⋯只係差一個鐘，D飯菜先黎。有點嘔血。

基本上，食完飯，係應該行去碼頭集合既。不過，山長水遠黎到坪洲，仲要咁呆等餐飯，媽媽就唔甘心走囉。所以，我地無等最後一碟餸，我地就走先⋯⋯鬼叫負責人介紹旗森冰室好似好好味咁咩。

 點知，去到門口，嘩，排長龍呀⋯⋯真係有點想放棄。但爸爸話要試下，否則媽媽會唔高興。所以，我地用左九秒九時間，一坐低就落ORDER。

旗森冰室出名係呢個蝦多士喎⋯⋯脹卜卜咁喎。不過好細件呀⋯⋯

哦，馳名既蝦多士，我食到你了。不過，媽媽始終唔係好呢杯茶。同埋，感覺都幾漏下。

還有，呢個叫做出名既紅豆冰⋯⋯唔⋯⋯點解出名呢？？係一個謎黎。

時間關係，我地都叫左份吉豬三文治拎走⋯⋯因為要趕集合時間嘛⋯⋯唯有拎走囉。但佢又係招牌喎，搭咁耐船，無理由唔試架嘛。老老實實，印象中，呢個真係好正。可惜未能坐低慢慢享受。

時間關係（咪就上菜慢左好多囉），今次仁愛堂未能在旅行過程中比小朋友選禮物。唯有下船先搞個大抽奬。次次媽媽都估唔到Isaac 會選乜野玩具架。

今次最估唔到，就係妹妹居然選左把劍。莫非佢就係想同哥哥一劍高下，先至咁男仔化？