暴曬南生圍

30 Jun 13 大熱天時， 爸爸話去戶外玩。幾經商議， 最後去左最近既南生圍。我地仲帶埋個波波去掟TIM。 Claire: 我鐘意踢多D

不過， 個波好快被遺忘。點解？ 因為去到南生圍， 隨手執到既， 都係新奇既玩意。睇下， 拎住兩支竹都笑到咁開心。

 Claire: 我想掟標槍。

曬到溶， Claire 又學媽媽要擔遮。不過有遮都無用， 一樣又熱又曬黑。

爸爸話好悶， 去到士多食左碗豆花， 就走了。好在中途見到準新人影結婚相， 比左波波兩兄妹， 等佢地唔駛咁悶咋。跟住又放低左隨手執既竹， 走去玩波波。

又熱又眼瞓既Claire， 真係見到都辛苦。
呢個夏天， 就算Claire 出街搽防曬都好， 都好明顯黑左呀， 因為屋企西斜， 日日都曬到全屋都係太陽， 真係陰公豬。希望佢好快又白返啦。