南生圍一遊

30 June 13 又熱又曬的一天， 爸爸依然興致勃勃咁話去OUTING。真係好易中暑呀。媽媽未去過南生圍， 上網見話可以踩單車又可以有大草地掟波波， 就建議一去。

一去到草地， Isaac 有理無理都可以玩一餐， 係爸爸不滿咁悶姐。話無遊樂場個D小朋友玩意喎， 所以， 成程都板起塊臉。不過有幾何， 石屎森林長大的小朋友， 可以認識下大自然吖， 小朋友乜都玩餐飽架啦。咪一樣開心。

好努力唔知挖乜。

 Isaac: 你估我想扮乜？

 Isaac： 我想扮滑雪呀

其中一個渡頭留倩影。其實仲有另一個出名既開心橫水渡， 但我地太熱， 食完豆花就折返回家， 無去開心橫水渡影南生圍既地標。

其實本人覺得南生圍景色真係幾靚架。

 咁靚既倒影。爸爸好潑冷水咁話， 黑水既水， 梗係靚既倒影架～～～令我諗起， 咁我地去西藏高原影相既倒影， D水都唔慌清呀嘛～～～雖則我無去過， 但大陸既水， 清澈程度有待商榷。

 好少會見到成片草原。

天氣好熱， 三十幾度， 酷熱天氣警告。爸爸又喊悶， 所以食完豆花， 即回頭。中途見到結婚姐姐影相， 仲送左個心形波比兩兄妹TIM。

爸爸走左去拎車， 媽媽力勸Isaac 坐草地啦， 一場黎到， 無理由唔坐， Isaac 好聽話咁講， 爸爸會鬧架。媽媽就覺得，去大自然唔坐下草地， 唔摸下， 怕污糟， 不如唔好黎， 以後留係石屎森林既遊樂場算。好在， Isaac 本身都愛草地， 所以， 見媽媽坐， 佢又坐。 不過， 呢次黎南生圍， 真係得個行字。我地回程時， 係呢塊草地， 都見到唔少有小朋友既FAMILY 係度踩單車坐草地食野吖。呢D RELAX 生活， 好難得架。唔一定要去遊樂場既。不久日子之後， 呢片大自然又好快被石屎森林取代埋， 用黎起屋。