大美督釣魚篇

23 June 13 踩完單車， 還車必經呢間碼頭士多， 爸爸話食番碗豆花。兩兄妹梗係開心到爆。最開心係Isaac, 可以玩筆砂糖。


Isaac: 我學爸爸筆砂糖食吖嘛                     因為媽媽食豆花唔落糖架， 哈哈。因為好似話呢D 粒粒既糖， 溝埋落豆花到， 會對身體有影響。不過詳情係點， 就忘記了。


食完飯， 見咁曬。爸爸癮起， 話去漁塘釣魚。漁塘其實係燒烤場隔離， 不過隔左兩條單車徑同馬路。而且裡邊無廁所， 真係萬分之唔方便～～～如果帶住小朋友的話。釣釣下忽然話急喎， 拿拿臨抱住跑去燒烤場間公廁。好在陰陰地。唔係跑到濕哂。
 Isaac 首次釣魚。好大個仔呀。咪睇好似好好天， 其實我地對大美督真係無乜緣。食完飯行到漁塘， 比埋入場費就超級大雨， 睇下， 呢個漁塘點避雨呢？ 卒之咪媽媽濕哂， 爸爸冒大雨移左把大遮過黎。但呢把遮， 要固定插起漁塘邊， 可以遮我地既， 只有一半位， 都唔知點企好。好在， 落左一陣大雨後（其實都唔係一陣）， 就停雨了。不過兩兄妹濕左一半咁滯， 因為忽然大雨， 幫妹妹著得衫黎（都好涼呀忽然）又抺唔切佢身上的雨， 媽媽一對手忙於照顧妹妹時；Isaac 就被迫撇雨到濕哂（爸爸比較粗枝大葉， 唔識要馬上幫仔仔抺雨加衫）。好在， 翌日兩兄妹都無病咋。

ANYWAY， 雨過天晴係真既， 仲晴到好熱TIM。跟住， Isaac 就釣到條魚呀。睇下， 笑得幾開心。不過好似爸爸開心D囉。

其實如果天晴（因為岩岩大雨， 所以天空仲有大烏雲）， 呢個漁塘係幾靚。令我諗起前排去日本福崗個金麟湖。





 其實呢， 呢三幅相都可以鈞魚架，不過D魚就大D。要好大力至勾返條魚上黎， 所以， 我地只係向細漁池釣。

鈞左成個半鐘， 收獲係兩條魚。都係Isaac 鈞的。反而爸爸無收獲。哈哈。


新鮮鈞起， 梗係即晚食啦。仲CALL左婆婆黎操刀（因為媽媽唔識搞新鮮魚）， 大家食過都話真係好鮮甜呀。下次有機會要再去先。
大叔教， 金果皮整好D。用薑會令呢條魚D肉淋架喎。