首次參觀小學

3 July 13 Isaac 第一次參觀小學， 呢間小學係山卡隙咁遠， 不過好似好出名都幾熱門下。媽媽見反正而家得閒， 可能出年又返工無時間， 所以呢日放學就夾埋同學仔一齊當去玩。
 一痴埋芝芝， 就玩到癲哂， 乜都唔記得。真係激死媽媽。

不過跟同學一齊去， 無咁悶， 仲好開心TIM。

我地特登早去， 因為多D時間參觀校舍同埋玩攤位遊戲。Isaac 最鐘意就係玩， 玩緊個時仲話下次再黎過。 



最開心係拎到貼紙奬， 貼到四隻手指都係， 不過轉頭貼哂比媽媽。

走黎玩音樂攤位， 其實係想打鼓， 點知抽唔到， 變左打呢個鈴鑼

成日都話要幫佢報名學打鼓， 不過屯門都無地方收咁細既學生， 唯有係呢度過下癮先啦
玩玩下， 居然比佢發現一玩愛上既電腦遊戲。玩完又玩。
反而呢個掟波波就麻麻地， 掟左一次就走。
趁無乜人黎到， 我地好快咁玩左好多攤位， 至去睇校舍。呢間校舍真係好大， 好似人地三座校舍連埋一齊咁。

 係課室出邊， 仲有兩架健身單車。話係太陽能儲電架喎， 小息時間， 會每周分年級至可以玩。媽媽真係見識少， 小學就有健身單車， 真係幸福呀。

呢張豬肉枱夠唔夠大？

好似當年我地既 IS科學實驗室咁。 原來係常識室。係咪好先進呢， 呢間小學既設備。

 一人一腦既電腦室。Isaac 好認真係快速爬左上去電腦， 唔知佢搞乜東東呢

雖然呢間學校好大好新， 都好多人鐘意。但聽完睇完， 暫時唔會係媽媽考慮之列。因為呢間小學係著重比賽多於學業咁（感覺上），本簡介有成兩三大版都係比賽成績。參觀過程中， 又完全無SHOW過課程內容等等。校長演說只係話著重開心六年生活， 谷唔代表好， 唔適合大學高中生涯。可能有人BUY， 不過開心六年之後， 會唔會先甜後苦呢？ 真係無人知。

玩完後， 齊齊坐巴士返屋企。兩女一男， 真係有艷福呀
不過忽然有人大叫：飛機呀

芊攸：好嘈呀 Isaac: 嘻嘻， SORRY
K2開始， 要陸續四出睇各大小學了。希望TARGET到一兩間心儀啦。