免搓免揉面包造法（有質感）附食譜

自從識做包後， 基乎日日都自製包包， 唔整包就旦糕做早餐。索性每日無添加， 健健康康早餐的開始。不過， 亦都係做得多左， 開始好求其捏埋一舊就算。都無心慢慢整靚靚（日日早起一個鐘喎， 邊有咁好心機， 仲要趕住入爐比仔仔返學前食喎），所以， 越整越求其。

呢個免搓免揉食譜，質感係無另一個軟式免揉咁軟熟。有點近乎西式包既質感。但經我實驗，發酵前噴水， 入爐前噴水加埋焗到一半時間再噴水， 出爐後既包， 一樣可以軟熟， 只係唔會超軟個隻。

材料：
水 110G
糖 20G 
快速酵母 半茶匙
鹽  少許 （我好多時都忘記落，食唔出有乜分別）
旦 1隻
菜油 25G
蜜糖  一大湯匙
高粉 250G

做法： 
把所有材料撈埋一齊伴勻(粉要過篩）至無粉粒。密封入雪櫃雪12﹣14小時。
越雪得耐， 越多泡泡。但焗時， 用以上寫既噴水法， 一樣好食。
雪左兩日既粉糰就係咁樣。

食時， 拎出黎剪大小相約既糰出黎碌下， 好求其咁整左幾野。
其實都唔知乜造型黎， 只係見粟米好多， 咪求其叠埋造粟米包加小小塊旦上去。香腸包最易， 求其一舊糰上放條腸， 等佢第二次發酵（約30分鐘）。之後掃旦汁再噴一噴水就入爐。

老爺爐有問題， 焗左20分鐘都唔係好上色， 只係腸仔包部分上色。我自己部爐有問題， 所以我用210度（其實測出只有160度）焗20分鐘。都軟架。
雖然我鐘意軟式粉糰（發酵時間又短D）， 但呢種有質感既包包粉糰， 最近又造返， 因為覺得做中式包燕時， 無咁易塌 。有機會再寫下呢種方法蒸出黎既包先。