反轉大棠渡假村

9 July 13 暴曬的一天， 不過仲未怕曬的Claire， 無懼猛烈太陽， 一抵保良局大棠渡假村， 見到遊樂場， 就急不及待同佢最親的哥哥一齊上去玩。




Claire: 哇， 我SIR 落黎LU 好錫佢既哥哥每次都係下邊用雙手接住Claire, 真係Claire 的福氣。
笑到四萬咁口既Claire, 第一次坐咁高既兒童單車呀。平時係屋企， 都係坐BB單車咋嘛。

仲係矮矮的Claire， 當然未夠腳長自己踩啦。有廿四孝爸爸全程推佢。幾咁幸福。

Claire: 踩完單車我步操去飯堂食雪條。
Claire: 操到好熱， 要吹下扇先

爸爸買比各人一杯雪糕雪條。哥哥發現妹妹杯雪糕仲好食，走左去同妹妹SHARE 
Claire: 工人姐姐， 點解你自己一杯， 我要同哥哥SHARE既？  工人姐姐： 平時哥哥都SHARE野比你食啦
Claire: 等我快手D筆黎食哂先， 唔比哥哥食咁多

食完雪糕玩完單車， 笑得幾咁滿足。
Claire: 媽咪， 點解呢個沙灘咁多繩既？
Claire: 嗚～～～等我扮怪獸先
Claire: 我玩左一日， 好眼瞓呀

Claire: 媽咪， 陪我玩乒乓波吖
玩完食埋晚飯， 返到宿舍雖然無水， 但無影響小朋友既心情。一樣咁開心食紅豆餅， 塞到成咀滿哂仲咁開心跳跳跳。

明明食完紅豆餅， 忽然指住雪櫃話比哥哥知仲有布甸。乜Claire 你個胃忽然變到咁大呀 Claire: 呢合大既我食架。
之後， 一齊玩借返黎既玩具。正當我地研究緊點玩呢個玩具時， Claire 又趁機爬上我地背上玩騎馬馬。平時係屋企又係咁， 見人地坐係度或者趴左係度， 就好唔客氣咁騎馬馬。仲要懶係安全， 唔怕跌架喎， Claire 對我地真係有信心， 知我地唔會跌親佢。 Claire: 梗係， 我駕輕就熟啦， 話咁易爬到上你地背囉