與友同行濕地

8 July 13 呢日學校假期， 媽媽又想去濕地， 就約左幾個同學仔一齊去。不過好熱呀， 太陽伯伯認真唔客氣。

Isaac: 等我用風扇幫你吹下吖
大家叫企定定影張草地照， Isaac 就掛住行黎行去。 Isaac: 嘻， 我最憎影相架

入到濕地， 第一件事係醫肚先。Isaac 表演下食飯速度。第一名， 好野。

食飽飽， 同學仔媽媽話請食雪糕， 一人一杯。好錫妹妹的Isaac 照樣分享比妹妹食。真係抵錫。

Isaac: 唔， 好味道
妹妹：咁好味， 不如比我一齊筆啦
食飽雪糕， 卒之去我地想去既樹屋玩了。
次次黎濕地， Isaac 只旨在呢間遊樂場， 呢次又撩左同學仔一共玩左三次。不過得Isaac 一個可以每次都上樹屋（有同學第二次入時， 又話唔夠高唔上得樹屋）， 所以， 後黎Isaac 落左呢個BB區同大家一齊癲。

係BB區， 有朋友仔一樣可以玩到癲左。好似進進同學咁， 成日扮暈低左， 兩兄妹又真係好好心次次都去救進進。都唔知好嬲定好笑。

癲完玩完， 扮下可愛先。
Isaac: 咦， 我夠唔夠CUTE呀？

嘩， 呢隻蝴蝶想跳出黎呀

一個紙板， 平時自己去就無野玩。幾個朋友一齊去， 就玩到咁。

玩到咁上下， 齊齊入左去呢個唔知乜館開餐食餅餅。

 雖然有餅餅， 但都唔可以控制所有小朋友目光一致呀。同佢地影相真係難度高。

呢次黎濕地， 有個小插曲。話說原來裡邊有個阿叔斷估係常客～～～鬧人。Isaac 比佢大聲喝鬧左兩次叫Isaac 唔淮走， 唔淮叫。咁Isaac 又真係又走又大叫， 所以媽媽都無理會。直至有職員干涉， 至知原來個位阿叔係成日嚇遊客。為左安撫小朋友， 濕地職員追出黎送我地每個同學仔一人一個公仔。呢次都算難忘的濕地之旅了。希望Isaac 會記得， 下次黎濕地要安靜啦。