大美督玩樂

23 June 13 去左兩次大美督都狂風雷暴， 爸爸唔甘心， 係都要去多次， 仲話如果呢日去到又忽然起風暴， 以後都唔再黎喎。天工造美， 呢日黎到無風暴， 不過天陰陰， 時陰時晴。都好， 唔會曬死媽媽。

咁曬天時， 擔返把遮時。好一對風雨同路的兩兄妹。

Claire: 嘩， 直路呀， 我跑跑跑


黎大美督， 其中一個目的， 就係租家庭單車踩。不過兩兄妹只係坐， 最梳乎。
 哥哥： 嘩，阿妹你睇下， 隔離架單車無我地架咁靚架

 Claire: 我食緊餅呀， 你地唔好阻住我啦

踩住架家庭單車上水塘， 風景好靚呀， 好大個塘。如果無咁多烏雲仲靚， 不過就更曬。

兩兄妹咁合拍既， 忽然向左向右， 中間夾住爸爸， 真搞笑。

睇返呢張相， 呢對真係好聽話的寶貝黎。希望長大成人後， 都咁乖就好了。

踩完單車， 爸爸仲係個度買左支竹蜻蜓。係妹妹第一次玩咋。不過好曬呀， 媽媽都係負責影相算。嘻嘻。

 Claire: 咦， 飛左去邊呢～～～

 Claire: 哈哈， 好好玩呀， 竹蜻蜓識飛架。

Claire: 嘩， 蜻蜓我地走快D呀， 哥哥追緊上黎搶走你呀

好熱咁玩完一輪， 我地就去還車， 還車前， 係碼頭睇住人地玩風帆食左碗豆花。不過妹妹就好失儀， 搶埋媽媽隻匙一齊筆。

 Claire: 原來貪心係無用架喎

 Claire: 爸爸話我呢副係滿足樣喎， 同媽媽一樣。

之後， 我地去左間好COLOURFUL既屋食LUNCH， 又抵又好味。好過第一次間貴餐廳。不過無影相。但去到實見到， 三層樓都油哂色， 媽媽叫佢做COLOURFUL 屋， 估唔到， 呢次去大美督， 我地行去餐廳時， 妹妹記得有間叫COLOURFUL 屋（因為上次兩兄妹想入去食， 但爸爸話去食另一間， 所以無去）， 係咁話， 去COULOURFUL 食呀。

有關大美督妹妹既相， 到此為止， 因為食完飯。下半場既活動， 妹妹係瞓緊覺， 哈哈。