與幼稚園老師聚舊

21 Aug 16 呢日，約左Isaac 幼稚園班主任去大欖BBQ。認真係天時暑熱，未燒野食都已經熱到成身濕哂。不過，難得兩位後生美女老師比面出席，熱D都要啦。

第一次燒雞翼。認真有耐性呀，叻仔。

Isaac: 我鐘意熱架，咁先夠温暖呀！

其它同學仔已經熱到走埋另一邊玩，只餘下小妹妹同Isaac 兩位小朋友專心地燒。呢種大無畏精神，真係值得學習。

Isaac 自小就好鐘意分享玩具。當年就送左份玩具比進進，估唔到呢次出黎，Isaac 又好大方咁，分享左其中一盒既綠巨人面具連外衣比進進。

進進： 嘩，好似好正咁喎⋯⋯
Isaac: 係呀，我都有盒呀，我個盒係IRON MAN黎架。

食飽飽，Isaac 終於走出個超熱帳篷，衝出去玩吹波波了。

Isaac: 等我吹完再接返個波先。

幾乎係半年先出黎一次GATHER既幼稚園同學仔。希望中學後入埋同一間中學啦。

另一邊廂，Claire 知道 Isaac 同幼稚園同學出黎，最近佢都唔會JOIN埋一齊⋯⋯話好悶喎，因為哥哥永遠唔會陪Claire 玩⋯⋯其它人又唔同佢玩。所以，呢日，Claire 索性跟爸爸，附佢行金魚街⋯⋯仲有，去機械人餐廳食野。

Claire: 呢杯紅豆冰⋯⋯VERY GOOD呀。

Claire: 可惜我今次睇唔到佢郁呀。因為壞左要維修喎⋯⋯

我地捱住中暑既危機，都燒完個BBQ了。最後，唔記得點解，有個人仔可以去食雪糕既呢？

Isaac: 咁燒完野食咁熱，梗係要食返D凍野啦。