台中之旅DAY 5 （下）。鳌峰山動運公園。文華道會館

15 Aug 16 由薰衣草森林直驅台中巿中心，車程都幾遠下。不過我地之前去過台中，今次覺得無乜好地方想再去，所以，呢次行程，就加入了小朋友最愛的元素－－放電公園。講起呢個公園，真係謎一個。原來網上講既資料好少，好少好少香港人去玩。只有台灣地道人，間唔時先會有BLOG寫呢個公園。之前係網上見到既設施，覺得好岩兩兄妹玩，所以，媽媽決定黎呢度⋯⋯連司機都未聽過－－－鳌峰山動運公園。最後，係去唔到目的地，只能把車停靠一邊，問路人方向。按網上BLOG友介紹，要玩呢個競技公園，駕車就要停靠燒烤場一邊。終於，我地到達了。兩兄妹不知幾咁興奮⋯⋯司機小傅可能會諗⋯⋯哦，原來去公園咋⋯⋯

家裡的兩個大小男孩，鬥快挑戰這個巨大蜘蛛網。

身型細小的妹妹，就對呢個網大感興趣。

極速爬到頂既結果就係⋯究竟點先可以落到黎（因為中間不是滑梯，不夠跣喔）。

兩兄妹好苦惱呀。究竟要點既姿勢先可以落黎呢？

卒之，要慢慢桔個PAT桔返落黎。

除左呢兩個巨蜘蛛網外，這個公園，還有比小朋友練習平衡的轉圈。呢個小妹妹，唔止驚到面容失色，連隻手都捉到爸爸幾咁肉緊⋯⋯

哥哥就好ENJOY一個人不停咁自轉。

 你越轉得快，Isaac 就越開心。

Zac: 有乜咁好玩呀⋯⋯ 

Claire: 嘩⋯⋯好快呀⋯⋯

呢兩兄妹，真係愛快感喔。越快越笑。睇見真開心。

玩完呢D，行去公園另一邊，又有新發現，原來全部都係過五關斬六將既體能訓練黎架，好好玩呀。媽媽見到都好想爬埋一份。

Claire: 哦⋯⋯爬呢D，無難度啦⋯⋯睇我幾咁快。

正所謂上山容易落山難，呢個道理，原來都可以應用係呢條斜板上。

Claire:  嘩⋯⋯好難踩住D石呀⋯⋯

Claire：媽咪，我落唔到黎呀⋯⋯我對腳唔夠長再踩下面呀⋯⋯

以為哥哥牛高馬大應該好易，點知，又係上到峰頂，要跨過對面，好輪盡呀。

上完"山"，又行下平路，諗住好易？少D平衡都會跌落地呀。

Claire: 好彩我夠瘦姐⋯⋯

Claire： 幾易就過到關卡，我真係好叻呀⋯⋯

媽媽睇住兩兄妹玩呢D關卡繩網，真係替佢地肉緊呀。尤其係手短腳短既Claire，真係怕佢唔夠力，成個人穿插落地。好在，最後佢又平平安安咁玩哂各大關卡。

Claire: 哼，你睇少我！

Claire: 我唔會比你睇少既！

最後，都係太過難，要爸爸出場，在旁出口協助。

Claire: 係咪咁呀？
爸爸： 係呀，就到啦，加油呀！

呢D情形，爸爸既出現，真係無得頂。只有爸爸先有耐性安撫佢地既恐懼情緒加埋引導佢地完成咁富挑戰既難關！

最後，我地係休憩處見到ZAC ZAC，原來佢坐係度等我地⋯⋯唯有，由Isaac 陪佢玩下輕鬆既踢腳儀器啦。

最後，我地由小傅司機坐車返台中巿中心。我地上次黎台中，住文華道會館，感覺十分良好，房間有酒店級水準之外，仲係正逢甲夜巿旁邊。掃街一流。所以，今次我地都係住返文華道會館。最令媽媽感動既，就係文華道會館打長途電話比媽媽CONFIRM BOOKING之後，居然一毛紙訂金都無收。純係電話幫媽媽HOLD兩間房。真係好欣賞佢地咁有誠意既服務（打長途黎香港喎）。身為香港人，雖然BOOK房唔收訂，但我地都唔可以NO SHOWN咁無品架。

我地BOOK既四人房。空間感十足。窗台邊也有一張床。五人入住應該也可以。

僘大既洗手間，同浴室分隔。呢種設計真係好好，至少洗手間既地方唔會濕哂。

之後，我地就落樓下掃街。因為已經第二次黎，其實對小食都無乜大興趣。呢次我地只係掃得好少野食咋。

貪得意既公仔旦糕。

第二次黎夜巿，都有幫襯既出名大甲芋頭城。等位都要時間，真係唔好睇少佢。

成個逢甲夜巿，媽媽只推介呢間，呵呵。睇人流，就知有幾好啦⋯⋯至少，我地幾年前去，已經食佢，呢次去，佢仲迄立不倒，排隊人龍長在，就知有幾咁正。

這個叫芋圓綜合冰。乜料都有。係咁熱既天氣之下，真係食冰最涼快呀。

就係咁，食下掃下，又一晚了。係時候告別台中，返酒店瞓。明天返香港去。