兄妹情深

23 Aug 16 有兄弟姐妹真好，廿四小時有個玩伴。好似呢兩兄妹咁，年紀相約，玩起上黎傻更更，最愛任何時候都玩一餐。

無啦啦都可以玩到傻笑，大家一齊唔見左對眼。

媽媽呢日特登早黎幫襯呢間夢見屋，貪佢架車仔兒童餐。因為之前試過，12點半已經話賣哂啦喎⋯⋯有無搞錯呀，一點LUNCH HOUR都未到就賣哂。呢日不得不提早少少再去過。

媽媽：其實鄦地對眼望左去邊呀？

Isaac: 係喎，我望緊你啦，我健唔健康呀？我飲鮮奶，阿妹飲橙汁咋。

兩兄妹，最愛互打小報告，媽媽真係頂佢地唔順。

Claire: 哦⋯⋯你放野入杯奶度。等我話比媽咪知。

Isaac： 媽咪都見到啦。
Claire: 嘻嘻，媽咪，你見到咩？

Claire: 同我影張相呀！影得我靚D喎。

 食飽飽，去放電。特登揾左個地方，比Claire 熟習下對新鞋仔。教練係Isaac 哥哥。

Isaac: 我扶住你行啦，唔係咁跣架⋯⋯

Isaac: 你隻腳係要咁擺，先可以做到頭先想做既動作架！

嘩⋯⋯看在眼裡，好窩心好SWEET呀。唔知衰妹Claire 冧唔冧呢！希望佢唔好再成日發哥哥脾氣，錫多D哥哥就好了。