和同學仔去EPICLAND放電

22 Aug 16 炎炎夏日，最岩揾室內地方比小朋友放電。呢日，我地就約左一大班Claire 同學仔，柴娃娃去到愉景灣既EPICLAND放大電。好在我地有旅遊巴接送，因為，玩完都幾攰下⋯⋯

甫下車，Claire 已一個箭步拖實男神建浩隻手，佢恨左成個車程架啦。落車仲唔追住建浩同學咩！

綺恩： 你就好啦，兩個女仔一齊拖你。

點知，一入到EPICLAND，Claire 就進入忘我境界，自顧自玩，首先玩既係迷你GOLF。

承㪫：等埋我呀，頌恩。
Claire: 你行得咁慢⋯⋯唔等你啦。

Claire: 等我大力按住，快D吹走D波先⋯⋯

建浩： 等我幫你啦⋯⋯
Claire: 好！我地快D射多D波出黎打壞人。

Claire: 等我執多D波入去再射先⋯⋯

EPICLAND最出名係條大滑梯。睇下Claire 兩兄妹，同埋樂童同學，SIR得幾咁開心。個個都四萬咁口落黎架（按此）。

除左條大滑梯，仲有個好隱蔽既攀石，呢個唔係普通攀石咁簡單，而係會轉架，無技巧都爬唔到上去。睇下呢三個大冬瓜，爬得幾咁搞笑（按此）。

嘩，好勁喎，Claire 居然成功攀到咁高！

Claire: 阿哥，你捉實呀⋯⋯唔係我會跌返落黎架⋯⋯

開心既時刻話咁快就過。我地玩到成三點幾四點，終於要走LU。第一次同幼稚園同學出黎，係咁大棚人架。好勁呀。

由笑容已經睇得出，個個都玩得好盡興。

成班細路，Isaac 特別顯得格格不入咁。

個個都四萬。

終於上車返屯門，咦⋯⋯Claire 又同建浩坐⋯⋯

Claire: YEAH～～佢話同我坐⋯⋯

開車了⋯⋯也是開餐了。這三個小朋友，一開車就狂拆零食，不停咁食。話咁快，就返到屯門。呢日真開心，仲可以有車接送去到咁遠，攰D都抵既。