台中之旅DAY 6 。台中科學館。稞科咖啡館。回港

16 Aug 16 台中之旅最後一日，因為我地之前黎過台中，所以，呢日無乜特別行程。為左班小朋友，我地呢日就好HEA咁去台中科學館玩下。一入去，嘩，岩哂Isaac 呀，因為好多恐龍模型呀。呢個恐龍控，一望就講得出各種恐龍既名稱。

Isaac: 我終於可以同恐龍影相啦。
Claire： 唓，假既⋯⋯

科學館有一層，好岩幼童黎玩。主題係飲食史。其中一偶係成座煮飯仔既玩具。

Claire: 等我煮比哥哥食先。

Claire: 哥哥，比你食架⋯⋯

我地係科學館HEA玩到LUNCH TIME，之後，齊齊步行到稞科咖啡館食午飯。點解去稞科？因為呢間餐廳有戶外沙池，小朋友可以食完就玩沙⋯⋯可惜，人算不如天算。我地食食下飯，居然下暴雨，OH NO～～～一切計劃都要取消了。

好在，稞科咖啡館也有室內的遊戲室，不過比較適合學前幼童囉。但無計啦，出面落雨，只有玩這個。

Claire: 哼，好耐無玩過呢D小滑梯LU。

Claire:嘩，呢度都有煮飯仔喎。

 成間房好似比兩兄妹包場咁，哈哈哈。ZAC去左邊？係度瞓覺囉⋯⋯因為我地由科學館行到稞科，路程太遠，有點攰了。

餐廳一層，也裝修得好精緻。完全係家的感覺。

稞科咖啡館係主打親子餐廳格局，所以，小朋友餐具同油色紙係必備。一人一份，唔駛爭。

Isaac 點的兒童餐。擺明唔夠呢個牛高馬大的兒童食囉。

Isaac: 邊個話唔夠我食架⋯⋯

好大份好吸引的芝士豬扒定食⋯⋯係ZAC 媽媽點的。媽媽太忙太興奮，完全忘了幫自己的食物拍照。不過，記得這間餐廳的食物水準，真的好好喔。

下的超暴雨，我地食飽飽後，唯有上機場。一早去到未夠鐘CHECK IN，小朋友就係度下棋。

Isaac: 你唔係咁行架，你應該行隻虎出黎先⋯⋯

CHECK IN後，兩兄妹好熟路咁，帶ZAC去兒童玩樂區

⋯⋯咦，今年有新野喎，有部VII，小朋友有得玩樂，齊齊落力咁郁。

三個小朋友，係部VII前玩左好耐好多局，叫做為呢趟台中之旅劃上完美句號。