11 Sep 16 Isaac 首次跳繩比賽就快舉行，為應付比賽，Isaac 好努力咁落樓練跳繩，原來，跳花繩一個唔小心，就會搞到成腳花痕。唔好睇少，媽媽都試過拎條繩黎試花式，原來唔小心打到自己，真係痛到入心入肺呀～～睇見Isaac 呢對花痕腳，就知佢有幾痛要頂。
好在Isaac 自小好忍得痛，所以，繼續跳佢既花式。呢次，就好努力咁練佢既側開交叉跳。不過跳的太快，媽媽要慢鏡先睇得清楚佢跳乜（按此）。
運動方面，不得不承認，Isaac 係天生有呢方面TALENT。加油呀，希望你有一天，係跳繩方面有所成就。
18 Sep 16 升了二年級，媽媽發覺 Isaac 寫手冊好似多了甩漏。多番追問之下，原來Isaac 睇黑板唔清楚，吖，但佢又唔識主動同媽咪講，真係激死。趁呢日有時間，就帶佢去朋友間眼鏡店驗下眼。終於配返副眼鏡，不過，當時仲係一百度，可以選擇望遠野時先帶眼鏡。但，都叫四眼仔生涯的開始了。
 |
| Isaac: 呢副綠色係我選架⋯⋯其實我本黎選粉紅色，但媽媽唔比⋯⋯ |
沒有留言:
張貼留言