暑假結束。賣旗日

30 Aug 16 唔知係咪耳濡目染定真係有數學慧根，呢位小朋友只不過係準K3 生。但加減數卻好似唔駛教就識。不過就識少少，勁牙刷囉。點招積法？按此就睇得一清二楚。呢個小朋友，長大後，唔知會唔會聰明反被聰明誤。

31 Aug 16 暑假最後一天，係時候要返學賣旗了。話哂媽媽都賣左五年旗。熱足五個賣旗日，所以，呢日點都要由爸爸帶佢出動。

未出發，黎張合照先～～原來Claire 呢年無乜同學仔賣旗咋喎。

Claire: YEAH～～我終於等到呢日。我想玩賣旗好耐啦。

 好奇怪，K1 時，Claire 係同承㪫拍擋賣旗，媽媽無陪佢，因為當時媽媽負責陪哥哥走去另一邊賣旗。呢年第二年，Claire 又係同承㪫一齊，不過今次有爸爸陪佢。睇到成個過程。一向主動的Claire，果然好落力跑去揾"客"喎。

承㪫：咦⋯⋯咁快又揾到另一個"客"既⋯⋯

 努力完一個上午，肚仔餓餓。就由媽媽出動，負責帶佢同承㪫一齊去食LUNCH。排隊時，三隻餵食豬，望住櫃裡的馬卡龍，好明顯流到成櫃口水。

承㪫： 我無流口水呀！係頌恩同佢哥哥想食咋。

飯後，我地齊齊要去學水。吖，唔知點解，學完水，呢兩個小朋友仲有精神去玩既呢！

Claire: 乜呀？玩喎，梗係有精神啦。