二人世界去旅行

25 Sep 16 一陪完愛兒去參加跳繩比賽之後，媽媽就趕住回家執行李去機場，同爸爸飛去韓國。係我地生左兩個小朋友之後，首次可以二人世界去旅行。

我地搭既係凌晨機，去到首爾仲係好晨早。媽媽一早已經揾定酒店附近既汗幕蒸，好好瞓一覺⋯⋯順便體驗一下，韓國地道人既汗幕蒸生活。

瞓醒就去行街購物，瘋狂地SHOP⋯⋯返到酒店，原來窗口對住宋仲基OPPA。正呀～

無小朋友，我地隨意去到邊食到邊。爸爸就更加放心食佢恨左好耐既八爪魚刺身。睇見真係恐佈呀，我就唔敢食了（按此觀看）。

我地今次首次旅行，只係去左四日。不過，兩位小朋友就應該覺得時間好漫長，不停咁打視像電話黎囉。

而家無左工人姐姐，下次，可以二人世界去旅行，應該係十年八年之後了。