開學了

1 Sep 16 開學日，哥哥早放學，返到屋企可以陪妹妹下棋。難得Claire 年紀少少，已經懂得玩象棋，真係唔話得。

Claire： 唔⋯⋯我行邊步好呢～

 3 Sep 16 自兩兄妹小小年紀，媽媽都好致力帶兩兄妹去大會堂睇話劇，之前仲試過買演奏會飛比哥哥一齊去觀摩TIM。而家妹妹長大了，更加可以輕鬆去睇話劇去。不過每次消費都幾貴下，所以，通常呢D活動，都係慳返爸爸個份，反正爸爸無興趣睇。呢日睇完白雪公主，撞岩遇到好多熟人原來都係同場睇呢套劇，不過我地趕住排隊同班演員合照，反而無同熟人影相TIM，之但係，好似唔係好覺Claire 企左係邊TIM。

4 Sep 16 雖然開學了，見仲係九月，Claire 仲有跳繩既熱誠。所以，媽媽都比佢周日去跟導師跳下。只不過係開左學姐，點解～～～Claire 呢堂好似跳得純熟咁多既。真係睇到媽媽眼仔都突埋呀（按此）。

5 Sep 16 呢日好趕好趕咁去體操課（因為好趕⋯⋯所以，捱左兩個月之後，媽媽都無再幫佢報名了，免得太勞累）。咁岩體操課預備緊考試，要各同學練習，Claire 都叫上左成個SUMMER COURSE，叫做記得D動作，不過，唔夠純熟（按此）。雖然，Claire 好想好想考呢個體操試，不過，礙於我地真係好忙好趕時間黎上呢堂，加上，媽媽見爸爸都無乜時間教Claire 做動作，所以，最後，我地係無報名考試⋯⋯不了了之咁就過左去了。

6 Sep 16 呢日哥哥仲係返半天學，所以，下午有好多時間玩。Claire 忽然好好，好想哥哥教佢跨一動作。點解話佢好？因為，Claire 通常唔比哥哥教佢跳繩架，哥哥一教佢，有個人就發脾氣唔聽。真係惡頂。難得呢日，Claire 肯聽肯試，雖然，即日做唔到呢個跨一動作，但媽媽睇見你地咁相親相愛，都覺得好安慰呀（按此）。

夜晚，Claire 唔知係咪醒覺到自己係K3, 好快入小學。有個人主動拎本圖書出黎，話要讀字比媽媽聽喎，真係窩心。唔通呢個女，忽然想通左，知道自己要發奮圖強？可惜⋯⋯讀左兩版，話好難喎，之後，無再繼續了。

9 Sep 16 呢日爸爸帶返學，學校門口就撞正童童。影張合照先⋯⋯明明K2 一年一直無咁FRIEND架，平時返學見到都唔打招呼⋯⋯吖，點解爸爸帶返學，Claire 就主動拖童童合照既呢？ 話咁快，一個暑假就過去，開始迎接K3 生活了。加油喔！