暑假一天閒記

24 Aug 16 呢日朝早，帶兩兄妹出去食下早餐，晨早經過商場又有新佈景。貪靚的妹妹梗係唔輸蝕，即刻同CUTIE公仔合照。

Claire: 我可唔可愛呀？
Isaac: 你梗係可愛啦。不過呢D公仔仲可愛過你呢！

 食完早餐，換件衫去跳繩。呢日妹妹跳雙大繩呀。媽媽係側邊睇住，都覺眼花，反而Claire 做得好好，無亂到。（按此）

跳繩之後，去食個快LUNCH，我地就去游水。呢個暑假認真忙呀。游呀游，呢堂開始教埋手勢（按此），當時媽媽希望Claire 可以快點甩板，學好自由式。

每次游水堂，媽媽都要比個目標妹妹。呢日佢可以做到目標後，就可以去食雪糕。睇在雪糕份上，Claire 加倍努力，終於可以同哥哥一齊去食雪糕。睇佢成個小鳥依人咁，肯定呢幾日好冧哥哥啦！

Claire: 我擺POSE先係咁架咋⋯⋯哥哥成日蝦我架。
Isaac:  我無呀⋯⋯