和雅雯溜冰慶生

19 Aug 16 呢日，我地應哥哥同學仔約，去到圓方一齊食飯之後溜冰，當作為同學仔雅雯慶生。剛抵達，兩兄妹仲係好怕羞咁。

Claire: 哥哥，快D擺下POSE啦，你D同學個個都笑哂口架。
Isaac: 笑緊囉。

 當大家等食物時，只有Claire 同雅雯姐姐好落力咁扮鬼扮馬帶起氣氛。Isaac 就繼續文靜下去。

Isaac: 好悶呀⋯⋯

成個暑假無見，果然係要WARM UP。睇下，食到七七八八，上埋旦糕後，個個表情都唔同哂。

 食飽飽，夠鐘就齊闖溜冰場。原來每年暑假，圓方冰場都有團購優惠。咁岩雅雯媽媽湊夠數，可以讓兩張比兩兄妹，齊齊開心齊齊玩。

開心既時刻，Isaac 好快離場。因為對冰鞋刮損腳踭喎，所以鬧脾氣，餘下全女班繼續玩。

Claire: 哥哥唔係度唔緊要，我都識溜啦。

 完場了，大家都玩得好開心喔⋯⋯只有Isaac 鬧脾氣，繼續嗲媽媽。好似⋯⋯只有佢愁眉唔笑咋喎。估唔到，Isaac 上小學後，機緣巧合地，都有一班間唔時出黎玩既同學仔。希望呢班，可以繼續陪到佢升小六啦。