暑假尾聲什記

17 Aug 16 話說呢日由台中回港，早餐梗係要嘆下時下最好味最香脆既微熱山丘既鳯梨酥啦。不過，有個人仔食到咁既樣⋯⋯究竟佢係想講好食到震、定係一副難食樣呢？真係只有當事人先知。

25 Aug 16 呢日，媽媽忽然見到有個大爺⋯⋯吖，係大姐至真，攤坐係哥哥張寫字枱到。睇佢咁既樣，肯定哥哥一係沖緊涼、一係哥哥仲瞓緊覺，所以，Claire 至可以咁安心咁放肆地坐啦。

Claire: 咁樣坐住睇書，不知幾咁舒服⋯⋯好在哥哥見唔到，唔係實趕我落黎⋯⋯

26 Aug 16 上左一個暑假既花式跳繩班，終於等到最後一堂了。呢日，Claire 好努力咁總合呢期學既花式比媽媽睇（按此）。跳左個暑假，真係手腳協調左好多呀，叻女！希望你越跳越高。

27 Aug 16 呢日無野做，踩住對新ROLLER SKATE去行街街，好在屋企係商場附近，所以，索性係商場練習下點玩呢對鞋。為左可以同哥哥一齊鬥快溜，Claire 好努力試。終於，比佢跣到幾步了。勁有滿足感呀（按此）。