親子故事比賽－－－參賽同學唱歌片段

14 Nov 14 話說親子故事比賽完左又未公佈結果之前，各參賽同學係出黎唱下歌仔磨下時間。不過撞岩Claire 入左課室食茶點，衝衝忙忙比人叫出黎，好明顯媽媽一眼望得佢，佢個口仲有舊野未吞囉。

Isaac 高大，成日都被安排企後排。好難至可以影到。

Claire: 唉，我唔唱得住呀，我仲未吞⋯⋯

Isaac: 媽咪，幾時至公佈結果呀，我好緊張呀！

Claire: 幾時至唱完呀～～～我仲未吞到呀。

好在媽媽坐前排，對正Claire ，不停做手勢要佢吞. Claire 至即刻吞左舊茶點，去一齊唱歌。

投入唱歌做動作既Claire.

其實 Isaac 投入時，都會四萬咁口架。

不過通常佢都係呢副木臉口多囉。

而Claire 呢，就超大聲，媽媽都聲到佢把聲。

Isaac 反而無乜聲，連個咀都唔係好郁咁滯，不過佢宣稱自己有唱架喎。

唱歌片段按此。

媽媽見兩兄妹事前咁落力練習，當日又咁勇敢，所以一人買左一杯旦糕作奬勵。睇佢兩個幾咁滿足。

從呢個旦糕選擇，就知Isaac 係忠實朱古力FANS，而妹妹就係比個好LADY既紫色吸引左。証明外表粗魯既Claire ，其實心地裡係好LADY架，哈哈哈。