重臨冒險樂園

15 Nov 14 因為之前媽媽講過，如果兩兄妹係親子故事比賽都表現得好，同平時練習一樣，媽媽翌日會帶佢地去冒險樂園玩。咁兩兄妹表現真係到位，做返屋企做既野出黎。咁當然齊齊去冒險樂園啦。

左思右想，最後都係去返屋企附近個間，就係蝴蝶村冒險樂園，貪佢夠近。恰眼瞓都唔駛捱好耐就返到屋企。

一去到，Isaac 又係跳左上個波到FING。

招牌姿勢。

之後見阿妹走左入去執波，Isaac 又要入去痴住阿妹。但唔知做乜鬼，擺左呢個POSE出黎囉。

呢D咪係人執佢又執。執左又唔係玩。

走左去玩COOKING MAMA。

好明顯平時阿媽唔比玩，家下兩兄妹一個玩一個睇。

無玩伴，兄妹兩個就好好地，玩乜都痴埋一齊。

唔知點解，媽媽每次見到呢兩兄妹一齊SIR 滑梯，感覺都好窩心。

兩兄妹，幾咁齊心一齊擘大口，一齊笑，一齊叫。

Isaac: 阿妹唔玩，我都可以一個人SIR架。

Isaac: 呀～～～好好玩呀～～

拿，又一齊啦，都話無玩伴，呢兩個會變糖痴豆。

Isaac: 嘻嘻，阿妹比我呃左落黎趴係波到LU。

 趴完一個波池，又另一個波池。不過論笑容，好似 Isaac 含蓄 D 喎。

一副兇狠樣子，做乜呢？

嘩，原來跳落波池呀。咁影，又好似跳得好高喎，哈哈哈，呃得下人。

 玩左差唔多兩個鐘，臨走，又要瞓多次波池至安樂。

當然唔少得呢個氹氹轉，今次仲有埋阿妹一齊玩TIM。

冒險樂園最吸引，除左係玩之外，仲有係呢支超大棉花糖。13元咁鬼大支，大到可以遮住自己個頭，真係少D人食都唔得掂呀。開開心心，放左兩個幾鐘頭電，乜都夠LU，食埋支棉花糖，滿足回家沖涼去。下次再黎冒險樂園，唔知係幾時呢。