29 Nov 14 繼體操比賽之後，呢個月，又要去玩體操，不過係考試。今次有幸同同學仔CASEY一齊去考。
唔怪得之前阿蛇叫我地LUNCH之後去考啦。我地十一點幾去到，真係等仲多過做。考完都LUNCH TIME，反而我地走個時，個場好少人。下次真係精D，過多個鐘至去。
今次考體操，我地無錄，因為都係考返比賽既野。反而彈床就有錄低。不過咁快既過程，考官都要好快評分囉。ANYWAY, 彈床係Isaac 興趣之一，佢講過，讀到大學都仲要繼續跳彈床。証明佢真係好愛跳彈床啦，媽媽睇住佢跳，有時會諗，第時大個，唔知係咪以跳花式彈床謀生呢，哈哈哈。
沒有留言:
張貼留言