公園攀爬

6 Dec 14 星期六，無野做，見天氣好。媽媽就提議踩單車去老年咁遠既船船公園。數下手指，都有大半年無黎過船船公園了。其實兩兄妹都好鐘意黎呢度玩，不過公園無洗手間，真係人有三急，迫住去婆婆屋企解決。就係呢個原因，媽媽好少帶佢地黎。黎呢度之前，媽媽一定要知道婆婆家有人，至可以黎。

由屋企出發踩單車，兩兄妹極速都要近40分鐘至黎到公園玩。加埋公園放電，其實前前後後都要兩三個鐘。跟住係攰到暈咁歸家。兩兄妹仲細個時，媽媽試過賴野，玩完公園無力踩返屋企喎⋯⋯卒之兩部單車遺棄婆婆家⋯⋯搞到媽媽比人哦足一日。最後要工人夜晚特登去拎返單車返黎。所以而家精左了，先致聲明，踩去玩，一定要踩返屋企，否則單車要掉。

記得上次黎呢個公園，兩兄妹都有爬呢條斜坡。當然，係由唔怕死既Claire 帶頭。今次，Claire 長大了，依然一副忘我本色，繼續爬山去。睇到媽媽心驚膽跳。（按此去片）

哥哥又爬埋一份，不過哥哥正宗D，扯住條鍊上。如果係兩年前既哥哥，邊樹會夠膽爬吖。所以，呢兩兄妹，真係兩個不同性格黎。（按此去片）

下次再黎，要等天氣好，又要天氣凍至敢黎，如果唔係，未踩到去公園，哥哥一定已經變左個水人。