畫班花絮

28 Nov 14 又係時候收到畫班老師比既上堂花䋈。呢堂係做一個包裝好靚既MONSTER。無錯，係包裝好靚⋯⋯不過，當媽媽夜晚返到屋企，個包裝已經比個傻妹自己拆開左之餘，仲用間尺不停桔⋯⋯媽媽估計Claire 係好想活用返當日上堂學到既技巧。媽媽聽到妹妹拆開MONSTER用間尺不停咁桔，媽媽好SURPRISE，估唔到Claire 學習同應用力咁強。

咪睇呢舊咁藍既波，一陣會變得好靚架。

無錯無錯，就係咁啦，Claire 學老師教咁，幫MONSTER梳頭⋯⋯就變出MONSTER 毛毛狀既感覺。

Claire: 點解偷影我既？

 媽媽估唔到平日佻皮既Claire，會咁專心做一塊「餅乾」。

嗱嗱嗱，係咪好靚呢？媽媽見到，真係覺得好神奇。點解會咁靚架？！

妹妹好錫哥哥，返到屋企，即比哥哥欣賞，直到今日，呢個MONSTER仲放左係哥哥張寫字枱到TIM。

同日，又收到老師比既另一堂花絮。係畫飄蟲。

真係畫到有板有眼。

呢堂，又用左新技巧，就係用棉花棒。其實媽媽開頭無為意⋯⋯直到後黎有一日，Claire 話要畫水彩，見到媽媽拎牙簽出黎⋯⋯⋯⋯咦⋯⋯Claire 居然識用支牙簽畫線喎。嘩，係畫班老師教佢架，佢居然好快學曉仲運用到。好厲害。

其實真係好難相信，一個咁細既小朋友，可以運用到不同技巧去做呢幅畫。老師果然好有心機。

希望Claire 繼續吸收老師所授，日後繼續活學活用。