18 Dec 14 又係時候收到畫班老師比既上堂花絮。見Claire 有板有眼咁畫個外形。
嘩，好似好細心咁填色喎。唔知阿妹係咪真係好愛畫畫呢？只見佢每次上完水彩班，返到屋企即刻嘈住要再比佢拎水彩出黎畫三畫四。未嘗唔係一件好事。
呢幅相真係好搞笑，頭頂企鵝手執企鵝畫。真係幾似喎。但點解D企鵝比風吹到歪哂架？唔緊要，最緊要係，佢又話個隻係爸爸企鵝，拖住佢自己囉。哼。次次畫班造手作仔又好，畫畫又好，主角都係爸爸同佢。果然生女到咁上下，就會痴爸爸。唔知幾多歲後，Claire 至好似哥哥咁，乜都整媽媽呢？
沒有留言:
張貼留言