開心繩網＠鯉魚門渡假村

22 Nov 14 係鯉魚門瞓到自然醒⋯⋯皆因吸收左之前經驗，今次我地無ORDER早餐。費事辛苦過平時起身仆出去飯堂食佢8:15分既難食早餐。所以，一瞓醒，係房食左自備既包包，我地又趕住出去玩。呢日，繩網終於開啦，哇哈哈。咪睇我地細細粒，以為膽子細，其實我地好大膽架。

Claire: 媽咪，你睇下我⋯⋯

 「媽咪，你睇下我⋯⋯」呢句說話，唔知幾時，成為Claire 口中成日掛住既名句。乜都要媽咪，你睇下⋯⋯我幾叻。其實你唔講，媽媽都會看在眼裡架啦，傻豬。

到落斜返回原位，Claire 笑唔出了。一臉愁容。

Claire: 喂，等埋呀～～

人仔細細既Claire，好似爬呢D咁大個隆既繩網無乜膽怯。媽媽真係好服佢。相比哥哥當年，Claire 算係大膽了。

Claire: 何止大膽。我仲靚過阿哥啦。

 爬黎爬去，其實兩兄妹都未敢去到頂峰。不過都夠佢地玩到好開心。只可惜巿區真係無乜呢D咁複雜既繩網。否則可以成日比佢地玩，挑戰自己。

臨尾，爸爸捉左Claire 去打機。不過好明顯，係爸爸開心ENJOY多D囉。兩個小朋友一舊木咁⋯⋯

呢日玩左其實兩個鐘左右，我地就離營了。因為鯉魚門係要12點前退營架。反正我地無訂LUNCH，所以好準時走人，出巿區揾飯食。

下次宿營目的地，係長州或者麥里浩。不過唔知爸爸幾時又肯平日請假陪我地玩呢。