每年之約

7 Dec14 一年一度約會日又到了。講既就係 Isaac 同期既BB，五年後既呢日，大家都長高了。一如以往，先黎個飯局比小朋友WARM UP下先。不過Isaac 好似好無奈咁。

睇返呢張相，下邊係Isaac 兩歲時同埋呢班小朋友影既合照。係咪大家都變化好大呢？

Isaac: HMM⋯⋯幾時至有得玩呀？

Isaac: 睇下我扮鬼臉恐唔恐佈？
小朋友們一致：唉～～～你玩完未呀？

 爸爸建議飯後先去美麗華喎。咁岩商場擺左個可以踩到有聲既琴鍵係度。Isaac 當玩咁不停踩。

成班仔，好難定定影相，難得商場有張凳，Isaac 好大聲話呢張係筋斗雲⋯⋯卒之引左成班細路上去。原來，最易影合照，係呢張Isaac 口中既筋斗雲。

個個都要爭住坐雲頂。笑死。

之後，我地出發去海港城影相。途中經九園見到老夫子。呢個老夫子，真係老少咸宜，個個都識。

成排細路塞住個路口。有高有矮。睇住細路大，覺得時間真係過得快。眨下眼，各小朋友都長大了。

唔知出年，我地影合家幅時，阿妹仲要唔要抱起搭高呢？

當大家都讚好拎左頂羊咩咩帽時，ZAC 姨姨拎左自拍神器出黎。不過兩兄妹好似觀察緊乜東東多過擺POSE囉。

呢兩個小朋友，三年前一齊去大阪旅行。之後好少聯絡。而家忽然咁FRIEND。

Isaac: 你唔好走啦。
ZAC： 你咁大力⋯⋯

正當大家影大合照準備離開之際，Isaac 又要熊抱Zac，莫非佢忽然記得以前一齊去旅行既日子？

呢張跳起照，好似得阿妹最跳躍。而Isaac 就邊起跳邊望阿妹。

玩左大半日，我地都係時候要同Zsac 講再見了。真係下一年至再見啦。唔知出年聖誕，各位小一生，又會唔會咁得閒出黎呢？