無奈留倩影－－ 屯門聖誕 MELODY 裝飾

21 Nov 14 呢日，我地節目係去鯉魚門渡假村玩宿營。不過入營時間係下午，上午無乜野做，媽媽見巿中心又擺左個咁女仔既聖誕裝飾，一心以為Claire 經過實要話影相。就諗住索性趁平日朝早無乜人，捉兩兄妹去影啦。其實爸爸都唔係好想去，唔知係咪咁，兩兄妹企係度，都好無奈咁。好似大家係被迫。

呢張就笑得差唔多，似返平時個笑樣。

睇下，Isaac 又木口木面，好唔願意呀～～～其實好似係當時又比爸爸鬧，所以笑唔出。

Claire: 媽咪，我諗到個新POSE呀～～ 

媽媽： 笑住影，咪幾咁靚仔！

 呢兩兄妹，有時真係好似角色掉換咁。好似呢張相咁，Claire 就粗豪到死，而Isaac 就坐得矜持D。

呢幾個月，唔知做乜，Claire 好冧爸爸。唔通人地話女仔到三四歲係痴爸爸係堅既？睇下衰妹比爸爸抱住，個樣幾咁冧。

呢個木欄，好搞笑，要細細粒既Claire 入去，似足坐監。加埋佢呢副咁無奈既表情，真係比個讚佢。