鯉魚門渡假村宿營放電

21 Nov 14 呢日我地去鯉魚門渡假村玩。未出發前，Isaac 係咁問幾時去，次次有得玩都好心急。其實爸爸臨個朝至話渣車去，搞到媽媽好泥HEA即摷電話不停打去問，原來渣車要申請。申請左又打左 N 次電話都無人聽。搞到我地渣車去到筲箕灣HEA住等，後黎索性唔理三七廿一，照渣入去。去到閘口，終於話比我地知，架車批左，可以入營。

放低哂行裝，我地周圍去揾野玩。Isaac 見到地下有跳飛機，爭取時間去跳下。以前我地小學好多呢D飛機，而家小學操場都唔覺眼有LU。

玩完跳飛機，又走去借單車玩。自從學識踩單車後，Isaac 好鐘意踩。

Isaac: 做乜影我呀～～

皺哂眉頭掟彎，好似好英咁。

鯉魚門渡假村踩單車有度唔好，就係只可以圍住個球場踩，媽媽踩左兩圈已經轉到暈，棄車算。Isaac 見踩到悶悶地，又周圍揾野玩。先玩下我地自己帶去的飛碟。

跟手同爸爸黎個籃球戰。

不過仍然未係好識控制個籃球。唔知幾時爸爸至會的起心肝教Isaac 打波呢？

玩完籃球，媽媽想教Isaac 打羽毛球，點知爸爸話佢教喎。媽媽都無留意Isaac 學成點。淨係知好似最後仲未學識。

羽毛球未學曉，爸爸已經放棄即收工。由得Isaac 係兒童房玩。媽媽真係要部署下升小學前，教識Isaac 打羽毛球同跳繩至得。

飯後，我地借左少少玩意玩。Isaac 好落力拎住說明書研究點玩呢盤朱古力。兩兄妹玩一盤棋，阿妹又黎投訴Isaac 霸住哂盤朱古力。次次玩埋同一樣野，呢兩個總係要投訴。煩死人。

鯉魚門最好玩，Isaac 必選呢台氣墊球。睇佢打到幾咁肉緊。

梗係啦，對手係阿妹喎。佢最鐘意－－－因為SURE WIN。又一大蝦細証據。

開開心心樣樣玩少少，咁快又話夜晚了。我地又要打道返房休息。翌日再玩過。