校內故事比賽 － 亞軍

12 Dec 14 嘩，呢日係Isaac 第一次上台講故事呀。話說學校今年搞左個粵語英語普通話故事比賽。不過唔係親子既，所以參賽同學要單獨上去。基於我地親子故事個次經驗，媽媽呢個月都同Isaac 講，我地呢次係去學習替人高興，得奬與否唔重要。唔知係咪咁，Isaac 呢次出奇地肯做一D佢以前唔肯既動作。講真，得奬與否，媽媽都覺得已經唔重要，最重要係，Isaac 自己贏左自己了。

屋企練習片段

Isaac 肯突破到自己，揹住個紙箱講故仔，媽媽真係打從心裡佩服佢。第二，佢肯合埋雙眼做足阿伯神態，媽媽真係覺得佢叻架。

出到學校，估唔到Isaac 仲肯著呢套媽媽覺得好核突既衫⋯⋯但望落原來真係似火柴架喎。哈哈哈。（按此觀看學校表演片段）

有時比賽，真係都講對手。今次分粵英普，Isaac 榮獲亞軍。開心死佢，媽媽都替佢高興。至於點解我講比賽講對手？就係冠軍人馬真係好強，一舉手一投足一眼神都足夠傳遞感情。抵佢得冠軍。不過如果呢個同學仔參加佢母語普通話組，可能Isaac 又會由第二名變左第一名。所以，有時比賽既野都唔駛太介懷。盡力就得。

K3粵語組頭三名加三名優異奬同學合照。其中著黑衫同學，佢個組道具比我地預備更真實更大。呀⋯⋯媽媽睇緊個時，仲以為佢會入三甲TIM。

經過今次，希望成為Isaac 一個踏腳石，跨出講故事方向既第一步啦。