"雄"福無邊

7 Dec14 呢日，又係一年一度陪哥哥出黎同佢同年既小朋友影聖誔裝飾既日子。越大既Claire, 越同男生玩得埋。多得哥哥日夜相對教曉佢男孩玩意。

Claire: 但我其實都係女仔黎架嘛。我都有怕羞既時候架。

Claire: 媽咪，你睇下⋯⋯有得打鼓架。

媽媽： 咁容易比人拖左去，仲話怕羞喎⋯⋯
Claire: 係佢拖我咋嘛⋯⋯我明明唔想架⋯⋯

雖則話Claire 同男仔玩得埋，但一講到影相，始終都係有女仔貪靚本色，曉得即望鏡頭。睇呢張相就知。得佢一個望鏡架咋。

Claire: 我地一齊YEAH啦。

嘩嘩嘩，老夫子呀～～～點解，老夫子個神態同Claire 八分似既⋯⋯

Claire: 梗係，比人搭膊頭，我好尷尬架。

Claire: 媽咪，我拖住BB咋⋯⋯

成班仔，得一個女，睇返D 相，個個都好似爭住拖Claire。

Claire: 其實係我照顧BB咋。

女仔性格愛影相，Claire最明顯係咁。一見得意公仔，就擺哂POSE要同公仔影相。

點知影影下，多左隻咸豬手。Claire 仲要夾硬笑住。真係有藝人本色。

Claire: 媽咪，我似唔似咩咩羊呀？

Claire 既情人爸爸，同佢一齊帶咩咩羊帽。阿哥一副無你咁好氣既款。

年年去影相，總會去埋1881, 今次個個識行識走，拖住成排但各有各動作。

家長們唯有叫大家一齊跳，Claire 跳得幾咁落力。跑跑跳跳佢最岩。

Claire: 嘻嘻，我跟得哥哥多吖嘛，所以咪鐘意跑囉。

Claire: 睇下，我（跑得）好勁架⋯⋯

雖然話Claire 成日跟住哥哥跑，動作的確比同齡敏捷。不過身型依然細粒。醫生護士只係個句：因為媽媽你都細粒吖嘛⋯⋯WELL，希望可以安慰到自己啦下，只要長大後，唔好特別細粒，咁女仔黎講，都OK既。