某個周一的節錄

27 Apr 15 Claire 同學仔同Isaac 同學有個好大既分別，就係Claire 一班同學愛玩多過上補習班。所以，一放學，每日指定活動，係去隔離玩返幾個字先。不過礙於要接哥哥，我地幾乎無參與過。呢日，哥哥一個鐘後至放學，Claire 聽到同學去公園，佢又跑埋去玩一份，完全莫視佢阿媽⋯⋯

Claire: 媽咪，係你自己唔跟住我玩咋嘛。

通常我地夏日炎炎，呢一個鍾，都係衝上圖書館完成功課就開始親子閱讀，時間岩岩好再落返學校。如果咁玩左，去到圖書館就只可以做功課，跟住有人就會發脾氣，因為無得睇書⋯⋯但其實佢唔知邊個玩到自己無書睇呢？

面包超人： 係囉，邊個呢？？？ 

 飯後，周一通常既節目係體操彈床。Claire 好勇架。睇下呢幾條片就知，咪睇少佢瘦，原來雙手好夠力。 （按此觀看）

除此之外，媽媽每次都好欣賞Claire 個種聽話，導師要求做乜動作，Claire 真係會用心去做架。（按此觀看）

相反，哥哥呢方面，就顯得求其得多。每次一到玩杆，Isaac 就會退縮，自動閃到最後一個做。跟住有時仲要臨場縮沙。真係無佢收。（按此觀看）

迪士尼半天遊

26 Apr 15 妹妹 Claire 閒時都話想去迪士尼，難得遇到迪士尼有推廣。今日我地就去放下電。一去到，小飛象居然唔駛排隊，工作人員叫我地快D玩左先⋯⋯咁梗係即飛去啦。

玩緊小飛象時，對面個木馬又係無人排。真係唔通仲早既關係？成個場都咁靜？

Claire： 我有少少驚呀⋯⋯

Claire 最愛既兩個俊男都左右相伴，Claire 又點會驚吖！全屋佢個膽真係最大，人仔細細膽子天咁大。

有幾膽大？其中一個就係，唔會怕羞，通街問工作人員拎貼紙。異常積極。

Claire: 媽咪，呢款貼紙係新架！我岩岩拎架咋。

不過講積極，應該唔夠食零食咁積極。

Claire: 食快D先，唔係阿哥食哂我包餅架喇。

Claire: Hi Hi, 呢支雪條係米奇形狀架，好好味架⋯⋯

食完雪條，又係時候去熱去玩。

Claire: 媽咪，我都識托起個星球啦。

D人話第二名子女，最鍾意跟大既行為動作。Claire 都唔例外，有相為証架。哥哥去玩乜，佢又去玩乜。不過Claire 就斯文好多。

係爸爸排隊拎ELAS影相時間既時候，Claire 就同媽咪去排隊同白雪公主合照。不過，笑得好勉強下喎。

媽咪： 阿妹，笑得開心D啦，媽咪陪你一齊影啦⋯⋯
Claire: 但我好驚呀⋯⋯呢個公主咁假⋯⋯仲要捉住我隻手喎。

之後，再同ELSA合照，又係比人捉手仔。

好了，到同米妮合照，唔駛比人捉啦，果然笑到見牙⋯⋯不過點解擺一副打拳手勢架。暈～

好耐無一家係迪士尼合照。呢張都影得唔錯。至少Claire 唔會打拳或者勉強笑。

人細膽大既Claire，排隊同卡通人物影相時，老年咁遠見有張BENCH，媽咪叫佢行去坐下先啦⋯⋯佢坐上癮，影完相仲要坐，不過加多句： 媽咪你走啦⋯⋯想點呀，係咪想比壞人捉走你先？

因為兩個月前已經去過迪士尼，今次我地講明唔再睇煙花，費事攰到暈。所以，未到黃昏我地就走。臨走見到門口有ELSA紙牌，巡例都同佢影下相啦。下次再黎迪士尼，真係唔知要幾耐之後架啦。

開心迪士尼

26 Apr 15 Isaac 成日嘈住要去迪士尼，呢日終於又去了。事緣迪士尼間唔時做兩次入場特價票，咁岩又見到有推廣，所以我地就買左，為滿足Isaac 去迪士尼願望。

Isaac: YEAH，我願望成真了。

 Isaac 好明顯係好鍾意迪士尼，睇返D相，幾乎張張都係四萬咁口，佢有幾何影相係笑得咁開心吖。

Isaac: 哎呀⋯⋯我唔夠高呀。
媽咪： 我幫你唔到呀，得我一個咋，我要拎機，抱你唔起⋯⋯

Isaac: 阿妹，我地一齊扮渣車車吖⋯⋯

Isaac: 嘻嘻，阿妹走左。我一個人渣哂。

 幼兒時既Isaac ，係好驚坐呢種轉轉馬。而家大左了，終於唔驚。不過依然係有條件，就係高既唔坐。哈哈。

Isaac: 嘩，睇我一指舉起成個星球呀。

 咁岩路上遇上魔法師。經歷過無數講故事，朗誦比賽後，Isaac 好明顯已經唔怕羞，見到個魔法師仲同人搭嗲。真正長大了，以前問一句，最多好細聲答一句。

Isaac: 我都識魔法啦⋯⋯我變⋯⋯睇下，有西瓜食。
魔法師： 下⋯⋯係喎，仲勁過我喎。

魔法師： 細路，你咁勁，不如同我合照啦。

 雖然係四月，不過天氣真係熱到無人有。每次去迪士尼，消暑都係呢支米奇形狀既雪條。

又或者，另一消暑方法係玩水，居然咁都可以成個跳起，果然係Isaac 呀。

醫肚時，咁岩見到巴斯光年。Isaac 係迪士尼最鍾意玩巴斯光年呢個遊戲，咁梗係要影返張合照先啦。

Isaac： 嘩，我掂到佢個盔甲啦。

 迪士尼呢排咁受歡迎，因為佢多左ELSA 呀。我地都一早拎飛，同ELSA合照。眼見唔少細路女，著埋ELSA裙黎影相。希望阿女大左，唔好變到咁啦。

Isaac: 我扮天使射心先⋯⋯

兩母子合照。開始頂唔順呢個阿媽，成日同阿仔擺埋D咁既POSE。

希望呢一家人，日後都無代溝。大家關係都咁親密啦。

暫時，Isaac 仲好鍾意阿媽。唔知佢升小學後，會唔會成個唔同哂呢？好多人話一到小一，就唔會再比媽咪拖，兩母子人田一日開始疏遠⋯⋯希望我同仔仔繼續咁友好，咁就好了。

Isaac： 其實我好鍾意媽咪架⋯⋯

 玩完，係度扮瞓覺。引人笑，成個爸爸咁。不過Isaac 仲未控制到，幾時可以玩，有時趕時間出門口，Isaac 都仲係呢副逗人玩既性格，真係火都黎。希望升左小學後，Isaac 知道幾時可以玩幾時要認真啦。

笑得幾咁開心。真係好難得既一張相呀。如果日後升小後，Isaac 都應付到，咁我地或者可以再黎迪迪尼，開心一下既。

大帽山領袖訓練日營

25 Apr 15 呢日學校同友好小學搞左個領袖訓練日營比K3同學參加。因為媽咪係環保義工，所以可以有份參加。心諗，係大帽山領袖訓練⋯⋯應該係野外定向個D呀嘛，咁重要既任務，梗係交比爸爸負責。

起行時，三個同學仔一齊影合照。話咁快就三年同學仔，好快就說再見了。

去到大帽山，梗係要影返張合照先。好似⋯⋯咁人強馬壯咁既⋯⋯Isaac 係邊呢？

好在，爸爸有ZOOM近睇⋯⋯

可惜當日係分組進行活動，Isaac 無緣同好友芊攸或者YOYO一組。好在Isaac 同邊個都玩得埋，睇下，企埋昊天隔離，顯得Isaac 好瘦咁，哈哈。

Isaac: 我似唔似昊天呀？

到講解環節，好在同返同班同學一枱，叫做開心下。有相熟同學陪住。

Isaac: 不過我唔駛人陪，都識得摺紙架啦⋯⋯

Isaac: 難得今日成日同住昊天玩呀。

分組揾樹葉，又係一組。不過好在昊天係開心果，所以，Isaac 都比佢傳染左個份開心笑。

Isaac: 睇下，我對眼碌得幾大⋯⋯大過昊天架。

 臨走，終於可以會合返好友們，齊齊合照返一張。

呢三個，唔知小學後，分渡揚標，各自發展，幾年後見返，各自會有乜野唔同呢？

盡見小孩天真的一面的合照。哈哈，小學應該唔會再有呢D POSE掛。