玩轉濕地

6 Apr 15 雖然未到夏天，不過呢個復活節假零舍熱，Claire 一副備戰裝朿，就出發去濕地。睇佢明明大眼妹，戴住頂帽，都矇起對眼，就知有幾咁曬啦。

排隊齊齊畫畫，睇下Claire 執筆手勢，係唔錯喎。雖然支筆好粗，但佢仲可以用平時執筆手勢黎畫。算唔錯。

爸爸： 咦，阿妹，望下媽咪笑吖。
Claire: 乜呀？我好專心砌緊野呀。

爸爸： 黎啦，笑下啦。
Claire: 唉，望啦望啦，快D影呀⋯⋯

合兩家人，一齊砌到呢架車車。最開心，梗係呢四位小朋友。

Claire: 嘩⋯⋯好在哥哥無捏到我塊面好似BB咁姐⋯⋯

一家四口指定合照。我地坐返係自己砌既車上。原來可以載到咁多人，爸爸真厲害。

砌完車，又出去戶外砌屋。帶哂手襪帶埋帽既Claire，真係一副勞動樣喎。好專業。

之後，我地行到湖邊，見智樂又有攤位玩路軌碌波仔。人少少，Claire 可以一人獨霸一條軌。

不過呢條軌咁特別既？平行一條，咁波可以點碌呢？

執到成桶波，唔通Claire 以為而家係冒險樂園玩射波？

Claire: 唔係喎，我地而家係濕地喎⋯⋯冒險樂園邊有咁熱呀⋯⋯

執執下，又發現新玩具，係乜？咪就係呢個籐鏟。睇 Claire 幾咁專注望住自己筆起既波笑笑口，就知佢幾咁開心啦。

Claire: 咦，地下又有個波喎⋯⋯

Claire: 媽咪，睇下我幾叻，執左好多波呀⋯⋯

之後，爸爸帶三個小朋友去睇含羞草。不過呢個POSE⋯⋯想點⋯⋯

Claire: 乜姐？唔可愛咩？

Claire: 你地睇下，呢度咪有含羞草囉。

三個小朋友，係爸爸帶領下，一起探索大自然。呢味岩爸爸教。哈哈。

不過睇情況，似乎係Claire 投入D喎⋯⋯哥哥只係有姿勢，但都唔郁既⋯⋯

復活節期間，智樂遊樂會係濕地搞左遊戲攤位。其實都幾好，媽媽等左智樂等左幾年了。終於叫有機會玩。入到室內，又有吹氣海綿波。

其實都忘記左點玩⋯⋯只知個個小朋友好投入咁撈海綿。

Claire: 我準備網住噴出黎既海綿波架啦。

假日去濕地，哥哥指定動作係去摺紙。不過次次都係摺完玩兩分鐘，只要一入個實驗室，D摺紙就會自動半解體。都幾唔環保下⋯⋯

走了。係門口見到有個波仔，Claire 又要學KINGS爬上去。

Claire: 嘻嘻，我都爬到啦⋯⋯

門口除左特別既波山，仲有呢個反轉左既半圓。原來，咁都可以玩一餐，好搞笑。

呢個係有彈力既波仔。小朋友跳上去，會有彈既感覺，都幾考平衡架。

就係咁，我地又玩左一日。唔經唔覺，數下數下，呢個復活節假，都玩左唔少日子咁。真係攰死媽媽了⋯⋯尤其無左工人，玩到夜一夜，翌朝又晨早出門，但家務要照做⋯⋯暈⋯⋯